الاثنين، 27 أبريل 2015

البعد قرارى ..

مين قالك هافضل فى مكانى و استناك ؟!
أو حتى أبكى عليك تانى و أترجاك ؟!
يا حبيبى البعد أنا اخترته و أنا قادرة عليه 
الدور و الباقى عليك انت .. محتار من ايه ؟! 
كل اللى بنيته فى أحلامى هديته خلاص
و لا هرجع يوم فى قرارى الراحة أساس
مانكرش فرحت معاك ليله و حبيت الناس
و سرحت فى قصة حب جميلة مليانة احساس
و شوفت فى حضنك دنيا جديدة و حسيت بأمان 
اتحدى معاك كل الدنيا كان وهم و راح 
صحيت على صوتك بيقول لى سيبك م الناس
نهرب ع الجنة بنيتهالك قصر و حراس 
عاوز تسرقنى يا حبيبى تخبينى م الناس
ما اقدرش اكون وياك خايفة و عايشة فى النار
بين جنة حبك و عذاب نفسى فى لوم و مرار
اسفة انى ماكنتش اد الحب و احكامه 
و حكمت لقلبى يعيش وحيد بين أحزانه
لكن دا قرارى و أصعب منه اصرارى 
تتحدى الصبر فى مين و انا عايشة يا روحى عليه 
و ان تعب الصبر فى يوم بيطبطب قلبى عليه 
و انا عمرى ما هرجع تانى حبيبى ارتحت خلاص
البعد قرارى و انا اخترته و انا قادرة عليه ..

الأحد، 5 أبريل 2015

بفرح أوى لما بشوفك ..

و انا بفرح أوى لما بشوفك ..
 و يبان فى عينيا جمال طيفك ..
 و الكون يتلون بربيعك ..
و الورد يفتح فى غصونك ..
و الطير بيغنى و يحكيلك ..
 عن حبى و يفرح بعبيرك ..
 كل اللى انا فيه انتى أساسه ..
 و النور لحياتى و نبراسه ..
و العمر بيبدأ احساسه ..
من همسة و نعشق من لمسة ..
لو ننسى الجرح اللى تاعبنا ..
و نعيش الحب و يسعدنا ..
أحزان الدنيا تفارقنا ..
و الفرح مفيش غيره نصيبنا ..
يا سلام لو تصفى و تحيينى ..
و بنظرة عينك تشفينى ..
من شوقى و ألمى و حرمانى ..
و تضمى القلب اللى هواكى ..
و تردى الروح ال عشقاكى ..
انا منك و انتى كمان منى ..
و اشيلك فى العين و الننى ..
لو ترضى مفيش غيرك ليا ..
حبك يملا الدنيا عليا ..
و الجنة فى أرضك علشانى ..
و الحب فى قلبك لحنانى ..
حبيبتى و روحى و أمانى ..
و انا بافرح أوى لما بشوفك ..

دعنى أحبك ..

دعنى أحبك  .. دون جدوى  ،، دون شكوى ..
دون هجر أو وصال .. دون عمر يمضى فى انتظار
و دون شك يفتح أبواب النار .. !
دعنى أحبك فى سكونى و خلواتى ..
أقتبس منك روحا تسبر أغوار فؤادى ..
دعنى أحبك .. دون أعذار .. دون تفكير حاد أو قرار
دعنى أحبك .. دون سؤال حائر أو جواب شائك
فمازلت فى مبتدأ الحب أخطو على استحياء ..
و لست أعلم له ماهية فأدنو بلا استعناء ..!
دعنى أخاطر فى العمر مرة ..
و أسكن فى عينيك نظرة..
 و أغنى لحن حرفك على شفتاى عنوة ..
فأذوق حلاوته و أستشعر الأمان برهة ..
و أحلق فى سماك نجما ترقبه ..
فلا النجم يهوى و لا العين تفقده ..
كم مر على الأحلام عمرا تنتظر ..
فإذا بالدهر يأتى بقلبك و الروح تستقر .
.