عارف لما تقول لى بحبك
مش راح أقول لك أى كلامولا راح أطول فى التنهيدة
واقول ياريت قالها لى من زمان
بس هبص لعيونك دول
وأنا حاسة إنى ملكت الكون
ياه على همسة قلبى لقلبك
ياه على شوقه لضمته منك
ياما زمان كان نفسه
يسكن بين أحضانك
ترويه بحبك وحنانكما انت زمان ساكن جواه
روحك بترفرف فى سماه
انت حبيب الروح والقلبولا غيرك كان يشغل بالى
ولا تانى أشوفه فى أحلامى
ولا برتاح غير وأنا وياك
عارف لما تقول لى بحبك
أجمل كلمة اتقالت ليا
عارف ليه ؟؟
علشان اللى قالتها لى شفايفك
ياه على صوتك بيها دا أحلى كمان
يعزف لى أجمل ألحان
حب وشوق و ورود و غرام
ياه على ضحكة عينك لياوالدنيا بترقص حواليا
هو أنا صاحية ؟؟ والا أنا بحلم ؟؟
عشت سنين وأنا بحلم بيها
اللحظة دى بعيش أنا فيها
انت الماضى وانت الحاضر وانت الآتى
هحسب عمرى أنا م اللحظة دى
فتح يا كل ورد الدنيا
غنى يا كل طيور الكون
واصفى يا سما كفاياكى غيوم
فجر العمر اهو شقشق تانى
وشمس الحب منورة زمانى
ما خلاص حلم العمر اتحقق
وقلبى من الفرحة ولا مصدق
آه من سهرى وطول لياليا
كل عذابى نسيته فى ثانية
شفت بعينى جمال الدنيا
من كلمة اتقالت على سهوة
عارف لما تقول لى بحبك
أجمل كلمة حب حبيبتى لما تقولها
وأجمل همسة عشق باسمك لما أنطقها
وأجمل صورة حب باسمى واسمك سوا نرسمها
ياه لما تقول لى بحبك :)
ليست هناك تعليقات:
إرسال تعليق