يا أعز الأحباب
طولت الغياب



الشوق فى قلوبنا داب
والخوف فى عيوننا زاد
و الحلم عنا غاب
يا أعز الأحباب
بتروح وتنسانا

نسهر فى الليل حيارى
ونعيش فى هواك صبابا
و نتوه فى الجرح يانا
يا أعز الأحباب
فاكر ليالينا
والعمر اللى قضينا
و الحب اللى كاوينا
والفرح اللى ناسينا
والا العمر فات
و كان فى لقاك ساعات
و راحت أمانينا
وفضلت غناوينا
بتصبّر فينا
و تطمّن فى الغياب
يا أعز الأحباب
يوم ما ترجع لينا
تلقى الحب فينا
و عمره ما عنا غاب
الفرح يدق بابنا
تعود فرحة شبابنا
ما قابلنا الأحباب
يا أعزُّهُم فى القلب
و أحنُّهُم للحب
تسلم و تعيش يارب ♥
ارجع و كفاية بُعد ^_^

‎

شفته تانى قلبى اتخطف
ابتسم حلمى اتوصف
سلِّم علىّ من غير كلام
رديت بهمسة من الحنان
عشت لحظة فى الجنان

بين نور عينيه و بسمته
حسيت فى قلبه بالأمان
و عرفت ده اللى من زمان
مستنياه ♥
و عمرى أعيشه فى ضمّته
~♥~ ♥

لمّا احساسك يوجعك أوى لدرجة انك مش قادر تحس بيه !
و يرجع يجبرك انك تحس احساس انت مش لاقيه بس لازم تعيش بيه !
ايه ده ؟! هو فى ايه ؟؟!!!
ولما يكون نِفسَك فى حاجة أوى و تلاقى نَفسَك مش عايزة تعملها
لانك مينفعش تحكى عن حاجة انت مش طايلها !!
و فى نفس الوقت تجبرك تعمل حاجة انت مش عايزها لانك ماينفعش تعيش من غيرها !!
و فجأة تلاقى واحد هناك فى عينه لمعة !
باصص لك كانه سامع خناقك مع نفسك و عارف مشاعرك !!
ايه ده ؟! انت مين ؟؟ و ازاى دخلت فين ؟؟ O_o
لأ وكمان بيقولك أنا عارف سكِّتَك!
دى من هنا :-| ما تيجى نتصالح مع نفسنا !!:-O ؟

يا من تَملِكُ القلب
كفاك للأشواق استنزافا
فقد أدميت القلب حُرقة
و جَحَدَت فى سبيلك نومها الأحداق
فحضورك يُذهب العقل
و يُحدث للنبضات المنتظمات اضطرابا
لا غير نور عينيك
يُكسب الكواكب السُمر اشراقا
ولا غير نبس شفتيك
يبدل عتمة الجبين المقضَّب انفراجا

وحديثُ قلبك لو يبقى سرا دهرا
فمتى أذعتَهُ أُقيمت الأفراح و تدلَّت الأنوار
يا صاحب القلب و العمر فى عينيك وضّاءا
أقسمت بالجليل عليك أُحِــبـــُّك
فماذا لو أخبرتنى
عن مكنون الحكايا داخل نابضك
و أفسحت للأضواء متسعا
فانكشفت غيمة الشّك و خيّم اليقين الأجواء !!

آخر مرة لمّا جالى
كان جُوّه عينُه سؤال متدارى
هو كلامِك كان علشانى
والا فى حياتك حد تانى ؟
وهَمَس لى همسة
انتى اللى فى بالى

وشاوِر على قلبه
وقال ده مكانى
لَجّم لسانُه وساق فى حنانُه
وجرى بكلامه ونسى سؤاله
لما لقانى بَعيد فى كلامُه
وأقول له واحشنى وعينى قُبالُه
طار جوّه قلبى و عَشِّش مكانُه
و فَرَد قُلوعُه على بر أمانُه !
ما عِرِف غلاوتُه عندى ومِقدارُه
ارتــاح وسهرت فى بُعْدُه ليالى
سافر وغاب و ع اللى جرالى
اصحى و صوتُه نغم بيلالى
وأنام و صورتُه تملا لى أحلامى
حبيته يمكن ! باشتاقله جايز !
الروح مسافرة والقلب حاير
والعقل يسأل ؟ مين هو ؟ ايه عايز ؟!
وأنا اللى بين قلبى وعقلى
مش عارفة أبوح ولا اخبى
طب ليه ندهلى وغاب عنى ؟
كان يقصد ايه وليه محيرنى ؟
عقلى يقول لى انسِى و عيشى
و قلبى يقول لا مانسيشِ
رسِّيتُه و قلبى مارسيشِ
يا مسافر و فى القلب مكانك
راجع والا البعد بيحلالك
تهجُر و تفارق أحبابك
والحيرة تسكن جواباتك
والشوق لو خبط على بابك
تفتح وتقول له إيه جابك؟!
يا نارى يا سهرى و طول ليالىّ
يا عمرى الضايع و أمانىّ
يالقلب يا صبران مدارية
يالروح ومسافرة ومش فيَّ
و أتارينى فى بعده بحن إليه
و سايبنى ولا بيسأل فىّ
قل له يا طير يرجع ليا
و كفاية بعده يبكّى عينيَّ
ده الروح رايحه له وهجرانى
وانا لسة يا ليل مستنية

و كأن كل أحلامى فيك تأجلت
لوقت ليس لنمضيه معا
قضى الفراق أمره
وما كنت أحتسبه
لم يمهلنى فرحا كنت قد نسيته
حتى داهمنى بجرح فى القلب حفره
وفى الحنايا دمع كنت احتبسه
سال مع دمى لا يتوقف نزفه
والروح فى احتضاها تودع رسمه
والأنفاس تختنق من حرارة همسه
يالله لا تمنعنى منك رحمة
ولطفك بمن كان الحب جُلُّ اثمه

كنت شايف إنك تملى
حلم رافض للتخلى
و كنت دايب فيكِى تمنى
وقلت مع الأيام هتبقى
انتِى شمسى وانتِى ظلى
وانتِى الحب فى قلبى يسرى
 كان يقوينى وجودك
 والحياة تحلى بصوتك
 و الأمل نظرة عيونك
 و الأمان شايلاه كفوفك
 و الربيع طارح خدودك
 والسما تصفى بلونك
والقمر يحسد كسوفك
 عمرى متقسم فصولك
كنتى سابقانى فى حزنى
زى ما تشاركينى فرحى
وكنت تدعى وقلبى يهدأ
لما أقلق و أحزن فَـأرضى
جدا آسف حبيبتى ليكى
كنت قاسى كتير عليكى
وكنت أشوف قلقك وحيرتك
و أفضل أتفرج عليكى
كنت بطمّن لخوفك
لما تقولى تاعبنى أضحك
وأقول ازاى ؟طب فهمينى
يسكت عتابك ويزيد عذابى
و دموعك جوه فى قلبى تجرى
ضحكى مش إهانة ليكى
بجد دا فرحة قلبى بيكى
لانى عرفت الحب فيكى
وداريته ياما كتير عليكى
ومهما أدارى يبان عليا
لو حد بص فى عينى ثانية
يلاقى صورتك جواها ساكنة
وفِكْرِة بالى معاكى سارحة
راسمِك جُوّة فى قلبى مَلِكَة
وحرفك تدوقه شفايفى بسمة
وخوفى وقلقى يبان فى لهفة
لما تغيبى والقاكى راجعة
نفسى اعترف قدام عنيكى
انك حبيبتى و روحى فيكى
لو تقبلى قلبى فى ايديكى
وعمرى كله أعيشُه ليكى
بلاش تعاتبينى فى جرحك
لانه جارحنى وقاسى زعلك
ماكانش ينفع إنى أقولك
ع اللى جوايا وأصارحك
بِعدت عنك آه لَكِنِّك
معاكى روحى وقلبى عاشقك
كان معذبنى سكوتى
وضعفى كان يخنق فى صوتى
و آجى أوعدك يسكت كلامى
لانى خايف اخلفه واطلع جبان
وانا مش هستحمل انى اصدمك فِىَّ كمان
وتشوفينى ورقة خريف مع أول ريح أسقط
و أبان هش وضعيف
 وأنا مش جبان و مانيش ضعيف
لو تعرفى قد ايه حبى اللى ليكى
لو ينفع أمسح كل دمعة
نزلت بسببى من عنيكى
لو أقدر ألف الكون معاكى و أطمنك
وامحى الخوف اللى ماليكى
لو تسمحيلى أخطفك و أعدى بيكى
من كل حزن و كل جرح
زمان صابك واستنى فيكى
حلم السنين جايلك معاه كل الحنين
مادد ايديه ضميها لقلبك واكسبيه
مش عارف أقولك تانى ايه
غير انك لو تعيشى معايا
وتقبلينى فى حبك أسير
مليش غير إنك تفرحى
يا ضى العين وانتى الدليل
=<3)  

و أتارى ده كله بيجرالى
وأنا مساهم
والهم فـ قلبى ليل طاغى
و أنا مسالم
و النور فــ عينى نهار طافى
و أنا مسافر

و راسم على وشى الضحكة
و أنا بنازع
والنَّفْس شعورها متضايق
و لا فارق
و فـ عز النوم أقوم أصرخ و أتخانق
ويجى الصبح يزور خدى صباح رايق
أقوم أصحى و أتعايق
و أوزع شمسه فـ ليل قلبى اللى بيفارق
ويبعت لى الأمل مرسال
ويرسم ع الخدود رمان
تبوس خطوتى الأيام
اتمخطر و أنا فرحان
مانا القاضى وانا المحبوس
وانا العاشق وانا المجروح
وانا اللى رافض لقلبى البوح
فى كل شىء انا ضده و انا هو
كتير بسكت وبتالم
واقول هتعدى واسلم
وقليل لما بتكلم
و بنسى ان الكلام مفتوح
و اقول عادى و يوم هادى
و كده اهى الليالى تفوت
لا كان لى مركب و لا مجداف
و فـ ماتش الكورة مش هداف
و فـ السباق أنا خاسر
لانى فــ وحدتى حاير
وحابس نفسى فـ دواير
وشايف عتمتى ألوان
يا ليل يا حزن انا مسافر
و سايبكم فـ القلب دفاتر
و عليه الزعل مرفوع
مكانكم فى فلبى مش ممنوع
بس لابد نتصالح
ويدخل فرح يقابلكم
بقاله كتير غايب عنكم
و القلب فاتح له ابوابه
لكن مكسوف على بابه
لو يدخل ازاى يلاقيكم
أنا حاير ..!

أنا اللوحة وأنا الفنان
ولو هرسم سبع ألوان
يزيد الحسن مقداره
ويتحضر بكل مكان
بنفسج ده لون البهجة
والأزرق فى السما فرحة

والأخضر يبقى فى جنينة
والأصفر ده لون الغيرة
والأحمر وردة تهديها
والأبيض حج او فستان
بيقول طيب أوى و فرحان
والأسود سيد الألوان
لكن فى لوحتى له أركان
يشارك فرحة الألوان
و وصف مشاعر الانسان
وأنا السائل و أنا المسئول
وألف سؤال عندى يكون
و كل شىء بيتغير؟
و لسة شايفنى ليه صغير؟
و كام عمرى ؟ ده بيحير!
و أنا عايش بكام منظر؟
وليه ألوانى تتأثر ؟
و بخط الحزن تتمسمر
تدق أركانى و أتبروز
بوش جميل علية ضحكة
و شعر الليل نابت سكة
و قلب جناحه فـ اللفة
و راسم ع الوشوش فرحة
لكن فى الأصل نفس الوش
مكسور و نفسه مش سامحه !
عايز ضحكة

غربة شعور ,و شعور غريب ؛ شتان بينهما ,,
فحين يتغرب الشعور يكن هو نفسه لكنه لا يجد من يشعر به ,,
لأنه هاجر وحيدا وابتعد عن موطنه فهو شعور يفتقد الشعور إليه ! ,,
أما حين يستغرب الشعور نفسه يكن اما لشىء قد ألمَّ به أو غاب عنه ,,
لكنه لم يغادر موطنه الأصلى فهو شعور مشعور به !
(احساس بشرطة سواء زائدة او ناقصه ) !! .. فلسفة الشعور

ثمة أشياء إن أردت التخلى عنها تتشبث بك أكثر ,,
وتقرأ فى عينها أنا لم أتخلى عنك فلم عنى تتخلى ,,
فلا تلبث إلا أن يلين قلبك لها ,, لتضمها إلى أحضانك ,,
فتجد نفسك أنت الأكثر احتياجا لذلك الحضن منها ,,
لأنك تفتقد احساس الأمان الذى منحته لها من قبل ,,
ثمة أشياء لم تعرف بعد ما هية التخلى !! عجبا ..!
تلك الأشياء تجعلنى أبكى ..

هُدُوءًا أيُّهَا القَلْبُ ,,
كَفَــاكَــ ضَجِيجاً ..
فـ دقـَّاتُكَـ تُؤْلِمُنِى كَثِيرًا
أىُّ وَجَــعٍٍ أَصَابَــكــ ؟! :'(
لا تَــبـْكــِ , أو تَقُل شَيْئًأ
فقط ؛
اِسْــأَلِ الله أنْ يَكُونُوا بِخَيْرٍ
كَى تــَطْمَئّن ! ♥

ثمة أشياء لا تحدث تؤرقنى
وأشياء أخرى تحدت ترهقنى
وبين هذا و ذاك هى دنيا
و على كل حال نعيشها
صعب المتنفس فى غيابهم
و فضاء متسعٌ صدرى بهم

و قلبى بشوقه يهفو إليهم
و ناظرىّ دائبتيّ الحنين لهم
و العمر مبتدأه فى لقائهم
و منتهاه عند فراقهم !!
هو القلب يحاول ان ينتقى عبارات ؛
علّها تصف بعضا مما يكنه ويشعُرُ به ويُشْغِرُه !
قد تأتينا مشاعر تخبو وقت اشتعالها !
و شعورٌ ينمو ويتبرعم و يُثمر أوان بذره !
و احساسٌ يُقْصَم أوان جَنْيِه !
و بين هذا و ذاك تتخبط عاطفة الأشياء حولنا :-|

احذر فعقد حبك فى قلبى انفرط
تسّاقطُ حبّاته واحدة تلو الأخرى
وليس لدى من وصلك ما يكفى لعقد الخيط
إن شئت ربطت على قلبى و وصلك أمددته
فأعدت صياغة العقد لك
وإلا فلا تلُم على إذ تنفذ حباته من قلبى وينفلت الخيط
فلا تبقى حبة أو طرف خيط يُذَكِّرُنى بك !
اللهم بَلّغت !!

أحارب فيك قلمى !أخشى أن  يجرحك
فهو غاضب جدا مثلى لكنى أكتم صريره عنك
ولأنه أوفى أصدقائى يريد أن ينتقم منك
انظر ماذا فعلت ؟!
أُخاصم فيك أصدق من عرفت
قلبى وقلمى سواء
فالقلب نبضه منك وإليك
والقلم حبره لا يكتب سواك
إذ روضتهما فى السابق وجعلت قبلتهما إليك
والآن يريد القلم أن يكفر بك!
و قد تخطت جراحاتك دم القلب حتى ثكلك
راحت كل توسلاتى وتضرعاتى سُدى و هباء منثورا
لن يُجدى الآن شىء ولا صبرا عليك
فالقلم سيفتح النار عليك
تلك النار التى تُشغر القلب وتزداد توهجا يوما بعد يوم
ترقب اليوم أو فى الغد
سينال القلم منك !!!!

هى / لا أريد أن أشعر أن سؤالك عنى من باب الواجب وفضلا منك
ذلك الشعور يكاد يقتلنى
تُرى هل تحزن لو فارقتنى الحياة ؟!
هو / عجبا؛ أهذا السؤال لى ؟!
هى / نعم لك أنت , وفيم العجب !
فأنا ما عدت أنا ولا الزمان لى
أتُرى تحزن لو فارقتنى الحياة ؟!
هو / ما تلك النبرة التى تبعث ضبابية فى حديثك؟
ماذا بِكِ؟؟
هى / لم لا تجب على سؤالى أم أن الجواب عسير عليك
ثم كررت للمرة الثالثة :
أتراك تحزن إن فارقتنى الحياة ؟
أجب سؤالى ثم لك ما تريد
هو/ وقد اغرورقت عينيه بالدموع , سؤالك هذا لا يريحنى
لكن على أية حال إن فارقتك الحياة فلا حياة لى بعدك
لأنك حياتى
ولا أريد إلا أن أفارقها قبل أن تفارقك
هى/ والدموع تملأ وجنتيها
أو لا تعلم ما فعلت بى ؟
إذ فارقتنى وهجرتنى طويلا
ثم تأتى الآن وتقول هذه الكلمات المنمقة التى لا واقع لها ولا صلة !!
إنى مذ تركتنى و أنا معلقة على بوابة الحياة
لا أنا من أهل الأرض ولا فى السماء
لست من الموتى ولا أعيش مع الاحياء
إن كنت تحبنى بصدق فلم تستحل عذابى وقتلى
وتعلم أن حياتى أنت وموتى بدونك
هو/ كفى كفى
هل كنت بتلك القسوة إذ تسببت بدموع من هى أغلى من حياتى
وأحرقت فؤادها بأحر الجمر
هلا غفرت تقصيرى ؟!
هى/ وهل يجدى الحديث مع الموتى ؟؟
اذهب فلا حاجة لى بك وقد زهدتك وغادرت دنياى
وقلبها يدعو غفر الله لك
ورزقك نعمة نسيانى !!

قد كان حلما رائعا فيما مضى ، كان يملأ الفؤاد بعظيم الرجا ،
والليلة وقد فتحت أجفانى كى أرى ،
ما وجدت إلا اللاشئ فى كل ما حولى جرى ،
و هنالك تقف الأنا على أقصى البصر تتعلق بالسنا !
صرخت من شدة العصمة ، أحقا أرى! أحقا أرى !
وصحت بأعلى ما أوتيت من صوت للأنا ، كفى كفى
، قد آل ذاك الحلم إلى الثرى ,, لم يعُد يُرى !
الآن أرينى ,,
كما عودتنى كيف تصنعين من عتمة الليالى فجرا مشرقا ،
ما عهدتك تكسرك الض...
ربات و لا يحنيكى الهوى !
فإذا بها تستجيب و قد أغرورقت عيناها بالدمع
فأسكبته بيد من حزم و جد خارج المُقل ,,
الآن عدت أنا واللاشىء وكل شىء حولنا
ينبض بخصيب الأحلام وجميل الأمل ,,
ما عاد ما يذكرنا بذبذبة الألم ,,
ولا ما يُمقّتنا من عيش النعم ,,
أحمد الله عظيم الكرم ^____^

كثير من الصمت مذاقه حلو ,,
لكن الاسراف فيه مُر ,,
فبعض الكلام وان ضَرّ فنفعه أعم ,,
وإلا ما كُنّا لِنُخلَق بعقل ولسان وقلب ..!

تعرف ايه أجمل حاجة فى حبنا ,,
انه بقى بيجرى فى عروقنا ودمنا ,,
ضرورى جدا لحياتنا ,, زى أكلنا وشربنا ,,
بس مش هنموت لو اتخلى عننا ,,
عارف ليه ?!,, لانه للاسف بقى جزء مننا !!
مش شايفينه ,,ماهو جوانا ,, مش لامسينه ,, بس معانا ,,
مش عايشينه ,,عايش بس جوانا !
ممكن يزورنا فى حلم ,,او غيبوبة ,,
ممكن يوجعنا لو ضربة شوق نزلت علينا ,,
ممكن يفتكرنا لو كتير غاب عن عنينا ,,
بس فى النهاية حاجة زى كل الحاجيات اللازمات
اللى ممكن لو خسرنا فيها نكسب عمرنا !!
لكن احنا بنحارب فيه نفسنا ,,
لاننا ببساطة بعد كل الحب ده ماحبناش بجد بعضنا ,,
ولا راعينا شوقنا ولا ودنا ,,
تعرف فين المشكلة ?!
اننا لحد دلوقتى مش عارفين اذا كان ده حب ولا فراغ ملينا بيه وقتنا !!

فجأة لقتنى ببكى
والدمع غطى الننى
والجفن مقابله فى حضنه
فاكره مسلّم على رمشه
ساب الحضن وعدى
ونزل ع الخد وهدى
وسقا الجلد العطشان
مازاروش بقاله زمان
سألت ايه حكايته قلبى
رد عليا وقال لى

 أبدا مش زعلان
ولا تعرفنى الاحزان
بس عشان أتقوى
لازمنى الدمع شوية
ما بين فترة والتانية
وانا عندى حنين وذكرى
ومش ناسى ان انا انسان !

فى غيابهم أهذى
وفى حضورهم أُجن
فالقلب فى قربهم يرقص ويغنى
والعقل من بعدهم يضل
أعود أدراجى وأقول أنسى

فيردّنى قلبى إليهم ويحن
لا الشوق يهدأ ولا البال يهنأ
ولا لنبع الحنين أن يجف !
وكأنه مسّ من العشق
مسحور هو القلب لا يهوى سواهم
والروح تحت الأسر تتبع خطاهم
والعين أيما كانوا لا تُدرِك إلّا هم
يارب آنس وحشتى و أزل غربتى و اربط على قلبى فلا غيرك قادر
يارب إن كان لى الخير فى حبهم فاجعل لى فيهم نصيبا
واجعل بركتك فى هذا الحب فيكون خالصا لوجهك فلا يغيب وهو موصول بك
و إن لم يكن خيرا فأعوذ بك أن أسألك ما ليس لى به علم
فلا فوق قدرتك قدير ولا فوق تدبيرك مدبر
يارب اغفر لقلبى الضعيف أمام حب خلقك وتجاوز عن حنينه لغيرك
فأنت خلقته و أعلم بضعفه
وهب لى من لدُنك رباطا وقوة أستمسك بها فلا يكون فى قلبى غيرك
و إن أحببت أحدا من عبادك يكون من أجلك وفيك
يا من لا يخفى عليه شىء , بقدرتك على كل شىء, اغفر لنا كل شىء
ويسر لنا طاعتك وارزقنا حبك وحب نبيك وحب كل عمل يقربنا إلى حبك
واجعله خالصا لوجهك
يارب اجب دعوتى بحق لا إله إلا الله المعطى المانع
يا حنان يا منان يا بديع السموات والأرض يا ذا الجلال والإكرام

يعتصر قلبى شوقه إليكى ..
وحنين قد فاق الحد ..
أين السبيل إلى عينيكى
؛دليلى..وقد تاه منى الوجد..
أسأل عينيكى فى التمنى ,,

هل زارهما الشوق أم تخلى ؟؟
وماذا عن نبض القلب ؟؟!!

♥♥♥بعيد عن عينى لكن ..جوه فى قلبى ساكن..
ولا بيغيرنى شىء ♥♥♥
لو انساك انسى عمرى.. ماهو انت حبيبى عمرى..
واعيشه لمين غير ليك♥♥♥
لو ابعد تفارقنى روحى.. ماهو انت حبيبى روحى..

ولا احيا الا بيك♥♥♥
لو اقسى قلبى يخاصمنى.. ماهو انت حبيبى قلبى ..
ويدق لمين غير ليك ♥♥♥

يا بعيد وغالى ,,
دايما فى بالى
وقلبى ليالى ,,
بيدور عليك
يا حنين وصافى ,,
يا أبو قلب دافى
وحشانى عنيك
تعالى شوية ,,
تشوفك عنيا

وتحلى حياتى بيك
بحبك وعمرى
ما انساك يوم بعمرى
اعيش ازاى غير بيك
فى بُعدك الليالى
تعدى ولا على بالى
غير صورتك وعنيك
مشتاقة كتير ايديا
لدفاك والحنية
لما تاخدنى اديك
محتارة كتير عنيا
مش لاقية النظرة دية
ولا غير حضن عنيك
مستغرب حاله قلبى
مين أحبابه بعدك
ونبضه عِرفه بيك
أمانة حبيبى يا غالى
ما تزود نار عذابى
وترضى وترحم حالى
وتقول لى فين الاقيك
محتاجة ليك صدقنى
كلك على بعضك واحشنى
وروحى دايبة فيك

سطر وقلم وحبة حروف
وقلب اتوجع ملاه الخوف
لبكرة عتمة ومش معروف
ضباب غيوم ظلام خريف
نفسه يلاقى نسمة صيف

أو حتى ورقة خضرا وطيف
 حاسس بين البشر كضيف
مكسور وجرحه ماهوش خفيف
اتخلى عنه حلمه الكفيف
وترك له حسرة وألم عنيف
لكنه عمره ما كان ضعيف
ايه يعنى حلم وضاع تخريف
لسه أحلامه كتيرة تخيف
وعنده حلم جرىء عفيف
سن القلم اتكسر واترمى
وطلع غيره لما اتبرى
سطر و اتملا
والصفحة لسة بيضا منورة :)
عنيـــــــــــــــد ^_^

 

وبحب أوى ابتسامتك
وأشوف فى عنيكى شقاوتك
ولما تغيرى شكلك
بس عشان أقول لك
صباحك بلون قلبك ^_^
...

ياللى انتى عيدى وأنا عيدك♥
وبعشق طيبة قلبك
وحنانك ولعبك ودلعك
وفى كل وقت بحبك
ياللى انتى عيدى وانا عيدك
وبرتاح فى لمسة منك
واطمن وانا فى حضن قلبك
وأنا شايف جنتى فى أرضك
ياللى انتى عيدى وأنا عيدك
وأفرح واستنى سؤالك
وكل سنة وانت طيب منك
ولما عنيكى تسأل
فين عديتى لأكلك :^D

لا تبكِ فدمعُك يحرق أجفانى ,,
لا تنسَ "من أنت" وتسكن وجدانى ,,
لا تذهب عنى وتمضِ بزمانى ,,
قل لى :: كيف أحلامى ولست مليكُها ؟!
وكيف أيّامى ولست تُشرقها ؟!
وكيف الليالى ولست تُبهجها ؟!
وكيف أكون أنا ولست أنتَ فِىَّ ؟!
ما كُنتُ لِأحيا لولاك فى البرية !
إنّى مِنك وأنتَ مِنّى ,,
فلا تُزِد لوعتى ,, فَعنك لن أتخلّى

اهرب من العمر اختفى
اجرى وما ترد فـ خطاك
لكن انت فى القلب
اللى سارح كل نبضه
فـ نور خطاك
...

ابعد كمان
خلى قلبى ينجلى
و روضه من غير لجام
عيش الحياة وسيب القلب
للخطاوى
تهزمه من صوت نداك
سيب اللى عاشقك
وامشى ورا الحلم الضرير
ويعمل ايه القلب
غير انه يسبقك
من غير خطاوى يرجعك
انت هنا قلبك هنا
حلمك هنا
كان لك زمان تايه
وجه زمان القلب والحلم
انجلى !

واحشنى اسمى
لو تنطقه من بين شفايفك
وحرفه طالع
يقول الله ؛ وحبيبتى منك
بعشق سكونى
...

فـ حضن قلبك وحنان دفاه
ولما عيونى تلمسك وتنام معاك
يغطى رمشك حلمها ويحلم معاها
ولو ألف عين جت جنبها
مفيش غير صورتك قلبها
حبيبى آه قولها كمان
بقلبى وروحى أنا بعشقك
صوتك نغم يملا السكات
ويهدى قلبى اللى اتظلم
فـ سنين جفاك
حبيبى آه صوتك نغم
يعزف لقلبى و بسمعه من غير كلام
صوتك ملوش فى الكون شبيه
لو سكت ؛ صداه جوايا يلمسك
عشان مليش غيرك حياة
وأنا اسمى يبقى ليا
غير لو أنت تنطقه
حبيبى آه =♥)

وافتكرت نفسى لقيتها
دايبة فى حضن عنيك
وأنا كنت بحسبها معايا
أتاريها سابتنى وراحت ليك
نفسى بيك طمنتها ولحنانك شوقتها
...

وألف سؤال أنا بسأله
انت بجد عرفتها وحنيت لها
والا عمرك ما اتصورت انك لها
طب انت جيت لقيت عنيا بتوحشك
والا مشيت وخيالها عمره ما حيرك
وبسأل كمان أنا ليه فى قربك
بس عرفت ايه معنى الفرح
وليه يخاصمنى ويجافى قلبى
لو عنى بعدت أو لما آجى أزعلك ؟!
ازاى بقيت كل حاجة فى دنيتى
شاغل لى فكرى و ورحى ليك مسلمة
وعمرى بحسب منه بس أوقات لقاك!!
قلبى معاك يا أحلى ملاك
قرب تلاقى عيونى عايزة تحضنك
و رموشى خايفة تجرحك
وكلامى نفسه يسمعك ويحكى بين ايديك
و روحى بيك طفلة بريئة اتعلقت
ضُمّها يلا بحنانك و زى ما عرفت تعشقك
علِّمها الحيــــاة =♥)

" تـــأملات ومشاعر نوبــات 2 "

و تلك نوبةٌ من الجود ؛ عاليها عطاء الكريم وباطنها احتياج عظيم
وبينهما قشرة من طيبة الاصيل ! يردد ويؤثرون على أنفسم وجزاؤهم جنة النعيم
...

ونوبة أخرى من الشُّح ؛ عاليها مظهر الفقراء وباطنها كَنْزٌ ممنوع الانفاق !
وبينهما قشرة من الدناوة ! وما
ملكه ينفق ميراثا!

ونوبة أخرى من الحفاوة ؛ عاليها عناق أرواح و ابتسامة , وباطنها قلب يدق بضراوة ! وبينهما قشرة من وصال وصراحة ؛ قرينتهما الحب و الصداقة !

ونوبةأخرى من النفور والكراهة ؛ عاليها عُبوسٌ وباطنها نفسٌ محبوس
وبينهما قشرة ضعيفة من الهدوء واللطافة ! ترسم فوق الوجة ابتسامة عفوية بفظاظة !!

ونوبة أخرى من الخجل ؛ عاليها امتناع وباطنها وجَلْ , وبينهما قشرة من الشعور بالذنب لعين العمل !

ونوبة أخرى من الحياء ؛ عاليها عفة و باطنها ارتياح وبينهما قشرة
من احترام الذات و خُلُقُ الايمان


ونوبة أخرى من الفشل ؛ عاليها بطلان نتيجة وباطنها خذلان طريقة !

ونوبةأخرى من النجاح ؛ عاليها نشوة الوصول وباطنها يقين لا يهون !
وثانيهما يتبع أُولاهما إن ركز على جد الإرادة و التطلع للطرق البناءة
مع يقظة و صدق نية و توكل وجراءة.


و نوبة أخرى من اللامبالاة ؛ عاليها عدم اكتراث وباطنها تفكير باحتراس ,
بين قشرتين , خارجهما هدوء وسكينة وداخلهما تفكير عميق و رزانة !
هى نوبة السكون الذى يسبق العاصفة , يفاجئك بمباغته الفرص وتحقيق الهدف !!

ونوبة أخرى من الإهتمام ؛ عاليها مشغول البال وباطنها مصلحة تُطال ,
وقشرة من السؤال عن الكيف والأحوال ! متى يُبْلَغُ المنال , ضاع الشغل من البال و تبخر ماء الاهتمام!

ونوبة أخرى من الإهمال ؛ عاليها خال البال و باطنها مشغول القلب ومهموم بكيفية السؤال ! وقِشرة من كبرٍ : لستُ بحاجة لهذا السؤال .
متى انهار عاليها وكُشِف عن باطنها تيسر الحال و زال قناع الاهمال
تلك نوبة الشغل الشاغل حاله الشاغر بكبرياؤه


و نوبة أخرى من العزلة ؛ عاليها زُهْدٌ و وَحْدة و باطنها ألم فاجعة الفراق
إما بموت حبيب أو اكتشاف غدره!
وبينهما قشرة تتخبط بين البحث عن ثغرة الرجوع و كيفية احتمال الصدمة !
تلك نوبة بين الشك واليقين ومحاولة تخطّى الأزمة !!

و نوبة أخرى من الإجتماع والألفة ؛ عاليها فرحٌ و انسجامٌ و ربيعٌ رسمة!
و باطنها هروبٌ لتفادى أزمة !!
و قشرة بينهما ترتكز على التحدى و قبول القسمة !
تلك نوبة النسيان المُسَبَّب بجميل العشرة!!

تـــأملات ومشاعر نوبــات 1

هى نوبة من دهشةٍ ؛ عاليها استفهام وباطنها استنكار و بينهما قشرة ضعيفة من الانتظار متى أجيب الاستفسار وتبدل استنكارها اطمئنان زالت قشرتها وفرغت من الأعذار !! تلك نوبة من الفراغ !

ونوبة أخرى من الوجع ؛ عاليها يبشر بالفرح وباطنها قوافل من الألم وبينهما قشرة أقوى من الأمل ,, متى تحقق الفرح وتبدل الألم بالسكن تثبتت قشرتها و قويت بالدعاء و بشكر النعم !! هذه نوبة من الإيمان !

ونوبة أخرى من الشجن ؛ عا...

ليها حزَن وباطنها وهَن وبينهما قشرة متوسطة من حلم لا مكان له ولا زمن , متى غفو الحزَن و سافر الوهَن بانت قشرتها و أوجد الحلم نفسه فى المكان و فى الزمن ! تلك نوبة الصبر الملتبس ببعض الجزع !

و نوبة أخرى من السعادة ؛ عاليها سرور وباطنها قناعة , وبينهما قشرة ثابتة من الصلاة و الذكر و العبادة , متى تحققت أركانها ليس من هموم الدنيا مقاتة ! هذة نوبة من اليقين المُرصّع بوحدانية الله و حق الرسالة !

ونوبة أخرى من البلادة ؛ عاليها استهتار وباطنها براكين و نار وبينهما قشرة سميكة من الغلظة !
متى انهار عاليها وانفجر باطنها تناثرت حممها فى كل محيطها فتحترق وتحرق كل من حولها
بقسوة و بشاعة ! تلك النوبة من الجزع ! تدمر الانسان ومن حوله بشرر من لهب !

ونوبة أخرى من الضحك ,, عاليها نكاتٌ نطِق وباطنها بؤسٌ لبِق وبينهما قشرة لا تُحدِث فرْق !
متى نطق و متى ضحك وجدّت فى عينيه وعدٌ ما اتفق !
تلك نوبة من كبرياء متعفف !

ونوبة أخرى من البكاء ,, عاليها دموع وباطنها جفاء وبينهما قشرة تُدعى الوفاء !
وأخرى أيضا من الدموع ,, عاليها حنين وباطنها أنين وبينهما قشرة من ظلم سجين
لا تحدث صوتا بل تتدفق صمتا ,, ولا تُقرِع بابا أو تسلك دربا !
تلك نوبة من الحزن المعمّق المنمق داخل القلب الأصدق !

ونوبة أخرى من الكسل ؛ عاليها يأس بعد طول أمل وباطنها غفلة بعد طول عمل وبينهما قشرة
من تخلِّى وخُذلان ! متى تملكت من النفس صارت أشبه بالوأد حيًّا
فقط مُتنفّسٌ على قيد الحياة وغارقٌ فى بئر الموتى !
قد يُحبط كل عمله ويضيع هباء منثورا !!
كمن تزعزع إيمانه بعد يقين و أفلس بعد مُلكٍ عظيم !

ونوبة أخرى من الجَد ؛ عاليها عمل ثبور وباطنها إصرار الوصول وبينهما قشرة من العزم و الإرادة
متى صحّ عاليها والتحم باطنها بقشرتها أفرزت ثمرتها ! تلك نوبة الحياة و دروسها المستفادة !

/
 

من بين لحظات الحزن والاغتراب
تأتى لحظات الفرح والافتراض !
فليس كل ما حولنا مضىء سراب
وليس كل ما خلفنا مظلم كالضباب
تأمل لحظة يأتى النور يصافح الظلام

فيبدل الله من حال إلى حال
وتذكر دائما هناك ما يدعو للابتسام
فمن رحم الوجع تولد الأحلام
ومن بين أحضان الشوك تورق الأزهار
ومن بين غيوم الليل فجرٌ يشق نوره فى سلام
تذكر أيضا لا يرى الجميل إلا من به جمال
وهناك ما يدعو دائما للابتسام :)

خواطرنا على موعد ,, والقلوب فى الخفاء تنبض
لكن لا عقل يُنصت ولا خطى تُنجِد ولا شىء يُسعِدْ
فقط هى كلمات تتدفق من قلب ليس له مرفأْ..!

كان بيننا حلم بيه حلمنا
سبق لخطانا فيه نَدَمْنا !
بعدت خطانا الحلم نادى ولا يوم...

رجعنا !
مشينا الطريق من غير رفيق تُهنا وضِعنا !
عاندنا الحلم وبيعاندنا يصرخ يلاقى الجرح فينا
نمد ايدينا تعند خطانا يتوه طريقنا !
جرينا ويا المشاوير طالت ليالينا !
ووصلنا بالحلم الجرىء
اللى ما فارق يوم عنينا !
ورجعنا اهه لآخر الطريق كما ابتدينا !
وكأن العمر زهره لسة بيفتح حوالينا
والطير فوق فى السما بيغنى لينا
والقمر اللى يا ما ارتوى من عطش ليالينا
بيحضن الفجر اللى طالع وبيوصيه علينا!
أمانة ياللى نويت السفر لا تنسى حكاوينا
وتخلى بقلبك صورنا وتحفظ الحب لينا !
وإن يجرى بيك الزمن و لو ترجع تلاقينا!
وان كان حكم القدر فراق مكتوب علينا
فللقلوب حكمها ولا بد يوم تفرح عنينا
وتعلى ويا الحب فى الفرح غناوينا
ويحلى ملح الصبر اللى مكحل رموشنا
ونفرح ما طابت حلاوته لينا !!

غيرِك مليش بعدِك مفيش
و من الأساس أنا بس علشانِك هاعيش
و إن يجرى عمرى و لو مين هقابل
انتى حبيبتى و كل ما لى و بيكى بعيش
و ان كنتِ بحر أنا فيكى غرقان
وان كنتِ أرض أنا فيكى فلاح
وان كنتِ سما أنا ليكى سحاب
وان كنتِ جنينة أنا فيكى هرتاح
و ان كنتِ شجرة أنا فيكى جذور و ثمر التفاح
ما هو انتِ منى وفيَّ و أنا فيكى ومنك و توأم روح
و المستحيل لو يوم يقابلنى !
بلهفة يقول :: أنا ممكن أعيش؟!
و هقول:: معلش ما تنفعنيش
عارف ليه ؟!
علشان حبيبتى معايا و قلبها أمرُه الحب ,
و المستحيل والحب ما يتفقوش..!..~♥~

بينك وبينى !

ما بين قلبى وبينك عمر طويل لم يأت بعد
وما بين عينى وقلبك حديث عميق لم نسمع صداه بعد
وما بين عمرى وليلك سهر جميل وشوق عريض لم يأخد مساحته بعد
مؤجلة خطوتك إلىّ كما هى بعيدة خطاى إليك
تاه القرب فى البعد
ومات القول فى الصمت
وانحسر الشوق داخل القلب
إلى متى الصمت والتحايل على الحب؟؟
نحارب فى الهوى قلبينا وسلطانه علينا يقوى
نقسو على مشاعرنا فتذوب من حر اشتعالنا
نُخرس صوت الحب فينا فيضيع منه الرجا
فى معركة كلانا فيها خاسر
كيف السبيل ؟؟وقد وصلنا لنصف حالة وشبه حب وخيال قلب قد مات فينا..!!
/
18/5/2012

فرقة

إن لم يكن للقلب عنك بد ...فأهون أن أبيت بغير قلب
لا الشوق يعييه فينزف نبضه ...ويعيش على الأوهام من فيض حبه
أصبحت تقطع أوصار الوداد ...وتحن لجفاك من دون قيد
فكثير الشوق معك لن يجدى ...إن كان الجفاء فيك طبع
وعزاء القلب منك تضحية ...كانت له فى زمن منك أسعدته
فلن يثقل عليك بالفراق ذنبا ...ووعدا بالشوق والوصال قد نقضته
فقد أحلّك مما كان وما مضى ...ولن يعود أو يجدد معك عهدا
دقت ساعة الفرقة وآن أوان المضى فردا
يا قلب لا تحزن فللأقدار ما شاءت
وظنك بصاحب الأقدار لن يخلف وعده
عسى يدبر أمرا لست تحسبه
ويجعل لك من بعد عسر يسرا !!:)

مش هاجرى تانى عليه

•  
  خلاص مش هاجرى تانى عليه
  هاشيله كمان من حساباتى
  دوبنى شوق ولهفة عليه
  وسلم قلبى لاوهامه
  حيرنى كتير ماريحنيش
  وارتاح لما سرقنى هواه
  ضيعنى غرامه وضعت أنا فيه
  وسكن قلبى شغلنى عليه
  لا مرة قال لى بحبك آه
  ولا كانت عيونه تشتاق لى
  خلاص ما انا ياما صبرت عليه
  وهو ناوى ع الفرقة
  يهجر وف بعده ينسانى
  وييجى يحن من تانى
  أسامحه وأديله حنانى
  وأنزف دموعى وألامى
  ولا أقدر على وجعه ثوانى
  خد منى قلبى وعنيا
  وشغل فكرى ولياليا
  وساب لى نار حيرتى وظنى
  وعذابى مع هجره وذلى
  موت احساسى جوايا
  كوانى بنار حبه القاسى
  لو يرضى قلبى أعيش مخدوع
  مش عايزة قلبى اللى رمانى
  فى حضن الشك ونسانى
  أيامى وناسى وزمانى
  هادوس عليه بقسوة نارى
  وانا يعنى كنت صعبت عليه
  لما جرحنى وقسانى
  هسيبه خلاص مش ندمانة
  كفاية ذل و اهانة
  وانا يعنى شفت ايه فى حبه
  غير جرح وقسوة وأنانية
  واتحمل ليه النار دية
  سبته واكيد كسبانة
  خلاص مش هاجرى تانى عليه
  شلته كمان من حساباتى
  /
  24/4/2012

عاندت هوايا

عاندت هوايا فعاندنى
رمانى ارتميت ف احضانه
هجرنى سكنت أنا داره
لاوعنى حنيت لأسراره
رجع لى رجعنا من تانى
حبايب وقلبنا دايب
وليه العند م الأول
وليه بعدنا يطول
يخلى القلب يتحول
ومن تانى سهاد تانى
خاصمنا الفرح وحلاوته
وسكنا الحزن ومرارته
ينادى القلب ليه العند
ويلقى الرد جواه صد
وسد فى مجرى شريانى
يموت قلبى فى احضانى
ويبكى بالندم حالى
وكل ده ليه بيجرالى
عاندت هواه من الاول
وجرحى معاه كمان طول
وعارف قلبى ما يتحول
ولا يقسى فى طول البعد
ده حبه فى كل تكوينى
وحياتى معاه وامل بكره
بعمرى هويته ما نسيته
لكن قساه وزاد فى جفاه
وساب القلب للحيرة
ودمع العين وتنهيده
ويرجع قلبى يعاتبنى
وليه عاندته م الاول ؟!!
/
5/12/2011

فراق اللقاء ..!

وكأنى حين التقيتك بعد عامى اشتياق
بعد أن ذاب القلب ضيعة وحر بكاء
وارتابت النفس حيرة ولوعها مر الاشواق
واحتارت العين بحثا وخاصم النوم الاحداق
كان آذان لك بالرحيل والفراق
لم ألقاك ولم أودعك وكل ما كان آل إلى انتهاء
لم يعد ولم نعد وكأن شيئا لم يكن
حاصره الضباب فصار كالاشلاء
وعاد القلب يشقى بوجده
والعين تسعى تبحث ؛لعلها
... تقع على شىء منك ,كنت تركته قبل آن الفراق
أرهقت القلب منذ طرقت بابه عليك انشغالا
وأشقيت العين منذ رأتك ,,لا تكف عنك سؤالا
ومزقت أوصال الروح منذ عرفتك ,,تسعى وراءك ارتحالا
أخفيت جرحك العميق داخل قلبى ,
وداويت غيرى بجميل ابتسامى
كى لا أرى فى أعين أحدهم
نظرة المشفق على حالى
لولاك ما عرفت الهوى ,,
ولولا الهوى ما فارقتنى ,,
ولولا الفراق ما رثيت قلبى ,,
ولا كانت كتلك فى الهوى حالى
/
15/4/2012

سقط القناع ..!

لا تخف ,, انظر إلى مرآتك جيدا ,, فأنا اعتزلتك وما عاد فيك شىء يشبهنى !
تحقق جيدا تلك الملامح التى كنت تستتر وراءها وكانت تشبه ملامحى
قد تصدعت ,, بان القناع وقد سقط عن وجهك الآن !
لا ترتعد ,, وقد آل كل ما كان بيننا إلى العدم !
لا تُخبّىء عينيك عنى ! فلست شبحا يطاردك فى الظلام ولا كابوسا يكدر صفو منامك بالليل !
نم واسترح مليّا من عناء تلك المسرحية الهزلية
فقد تراجعت كل أمانىّ فيك والأحلام وهى
الآ...

ن
مجتمعة عند باب الخروج وقد أُسدل عليها سِتار الخُذلان !
شكرا لأعظم مُعَلّم أتقن دور الشهيد حتى تخلت عنه بطولته !
أخشى لو تتخلى عنه نفسه !
دامت لك مهارة ارتداء الأقنعة و تبديل الملامح
أما أنا وقد طِبتُ عنك نفسا ويكفى أنك تعريت أمامى خجلا ولن أذكر منك ولا عنك شيئا !
/
" عندما نعطى ما ليس حق لمن لا يستحق !"

ناس وناس ..

فى ناس بتيجى وناس بتروح
ناس بتمر على قلبك ترتاح الروح
وناس تكتم أنفاسك تخنق جواك الروح
وناس تسكن القلب وترسم فيه جروح
وناس تطلع من قلبك تروح وراها الروح
وناس تديك الامل والحب والحياة ,,
وتكون معاك مكان ما تروح ,,
لو تقابلهم ,, اوعى تسيبهم
عيش معاهم ,حبهم ,, قليلين اوى فى الحياة ,,
لكن اوعى تنسى تودهم ,, وتقتل فرحهم ,,
...

وانت عندهم اغلى ما فى الحياة!
وناس تقابلك تستنفذك تستهلكك تاخد منك
وتنكرك ,, وتدبّلك قبل الاوان ,, وكمان بتسرق فرحتك
حاسب منهم على انسانيتك ,, اديهم وابعد عنهم
لكن اوعى تخاصم فيهم عفويتك و طيبة قلبك ورقتك !
كون انت ويا الناس ابتسامة ,, وقلب طيب ,, وروح شفافة
كون مهما تقابل انسان ومفيش انسان من غير احزان لكن اوعى
الحزن تسكنه ,, كون اقوى منه و اسجنه ,,
و قول يارب حبّنى ومن شر نفسى اكفنى ومن شر كل الناس احمنى ,,
وطيّب نفسى و اشفى جرحى و عن غير سؤالك اغننى :) ♥

حبيب خيالى

أحببت صمتك حتى أنسانى لغة الكلام
وعشقت همسك فى أذنى حتى أغرقنى فى بحر من الأحلام
وسُحِرت برسمك وشخصك حتى دخلت مدينة من النسيان
وضِعت بين ناظريك فما عرفت آنى ولا مكانى حيث غلبنى ضيهما وأسكننى فؤادك موطن الحنان
طفلة أنا فى محيط كفيك وبين جنبيك و أنت تضع قُبلة فوق جبينى مرهفة الإحساس
تزيل بها عتمة وجهى و ترسم بها ابتسامة قلب كاد أن ينفجر من تراكم الأشواق وتحرقه نظرات الناس
عدنى ألا تغب عن عينى وتذهب بفؤادى بعيدا فيتوه بين الظنون و عثرات الشك والالتباس
عدنى ألا يكون عنوانى فى غير عينيك و وطنى و جنونى و أن تكون فى حياتى أروع الأحداث
فما عدت أحتمل آلام البُعد و ذاكرة الوجـــد و ضبابية الغـــد واحتمالات كثيرة من دون أساس !!

عنك أنت ..!

فى الطريق قابلتنى , و أمام عينك وضعتنى ,
وبقلبك حفظتنى , ولهدوء روحك أسكنتنى ,
جعلت منى ملكة متوجة على عرش قلبك ,
فلم يكن أمامى اختيار أروع من حبك
ولا هدية أغلى من قلبك ,
وسرت معك الطريق , فأنت خير الرفيق ,
كنت لى الطفل والأخ والأب
أجمل حدث فى الوجود حين ارتبط مصيرى بمصيرك
وتخلل دمك شرايينى و تغلغلت أنفاسُك هواء رئتاى
قد انتقشت حروفك على خط جبينى
...

فأضحيت أجمل خبر فى دنياى ونصيبى ..
أحبـك ,,
ضُم قلبى إليك أكثر ,, أغرقنى فى بحر هواك أكثر و أكثر ,,
أضعنى فيك حتى التلاشى..
فقد وُلدّتُ من جديد يوم رأتك عيناى ,,
وكانت أول نبضة انتعش بها قلبى حين لمستك يداى ,,
و أول صرخة أطلقتها أعماقى تعلن ميلاد أعظم فرحة فى الوجود
و أنا أستقبل وليدى الذى هو قطعة منك وجزء لا يتجزأ من روحنا
و قد ضممته إلى صدرى ضمةً الظمآن عمرا والمتعطش فرحا
ودّعت فيها كل أحزان الأرض و غيابات الماضى و شجون زمانى
يا من لا أعرفك حتى ذلك الآن ,,
أرسل إلىّ وجودك معلناً أنك لست الحلم الذى لا يتحقق
وخبّرنى أنّـك أتيت و تقف إلى جوارى وقد آن الأوان
و أنك كنتَ تنتظرنى كما كنتُ أنتظرك
وأنى دوما أسكن قلبك و أمام عينيك كما تمتلك قلبى
ولك النصيب الأكبر من أحلامى ♥^_^♥

دمعة !

فجأة لقتنى ببكى
والدمع غطى الننى
والجفن مقابله فى حضنه
فاكره مسلّم على رمشه
ساب الحضن وعدى
ونزل ع الخد وهدى
وسقا الجلد العطشان
مازاروش بقاله زمان
سألت ايه حكايته قلبى
رد عليا وقال لى
...

أبدا مش زعلان
ولا تعرفنى الاحزان
بس عشان أتقوى
لازمنى الدمع شوية
ما بين فترة والتانية
وانا عندى حنين وذكرى
ومش ناسى ان انا انسان !

مخــاصمـاك

فاكراك ياللى انت مش ناسينى
وبعادك ده والله على عينى
صورتك ادامى مالية عينى
وطيفك من نومى يصحينى

...

ادامى وعيونى مش شايفااك
معايا , حواليا ومش لاقياك
مشتاقة وايدى مش طايلاك
ياللى انت فى عيونى ملاك

واجى اشاورلك تمنعنى ايديا
وتقول لا لا لسة شوية
لا تسلم ولا ترد تحية
واسألها ليه تقول لى مخاصماه

واقول لعيونى تندهلك
ولشوقى يا قلبى توصفلك
تقول مش عايزة تفتكرك
سايب دموعها السهرانة
طول الليالى وحيرانة
ولا تسأل عنها ولا حاجة
وهى كمان برده مخاصماك

واروح لشفايفى تنصفنى
تسأل عليك وتطمنى
تقول مش عايزة تجيب سيرتك
ولا عايزة كمان تشغل فكرك
سيبينى لسكاتى انا من فضلك

طب أعمل ايه أنا دلوقتى ؟!
وطلعت بحبه وبشتاق له !
ده جارحنى وانا كمان جارحاه
وانا عايشة فى حبه وبهواه
لا عاتبنا ولا احنا عاتبناه
ولا قابلنا ولا يوم نسيناه

ياللى انت مش دارى بحالى
تعالى جاوبنى على سؤالى
انت مين رد وقول لى
وايه عملته وليه بيحصل لى
و قول لى فاكرنى وانا مش نسياك
و كُلِّى ليه رافض لُقياك؟!!

و أقولّك إيــه ؟!!

وأقولَّك إيه ؟!!

وانت عارف من الأول احساسى بيك
وكل يوم فى أحلامى مصاحبانى عنيك
أشوفك معايا وحواليا وفى كل مكان
...

وقلبى تايه فى الزحمة وشبعان حرمان

وأتاريك فى بُعدك بترسمنى قمر سهران
وتاخدنى معاك فى أحلامك وتدارى كمان
وجايلى النهاردة تصحينى على أجمل آن

وانت بتخبط على بابى وتمد ايديك
وتقول لى أميرتى ضمينى عشان ارتاح
عشت سنينى من غيرك تعبان محتار
وجايلك بس دلوقتى وانا فرحان
أطلب تكونى عمرى الجاى والحاضر وكل أوان

تتجوزينى ؟؟!!

يا ست الحسن يا أميرة وبنت حلال
أمانة عليكى ما تردى قلبى الحيران
وتكونى دليله وهدى حيرته وله بر أمان

تتجوزينى ؟!!

و أقولَّك ايه ؟!!

يا عمرى الجاى والحاضر وأغلى مليك
ملكت فؤادى وعيونى تسهر تحميك
بخاف عليك من النسمة اللى تمس عنيك
واخاف برده من حبى لتغرق فيه

اوعدنى ,,

اوعدنى تكون أبويا وأخويا وأحبابى
وأهلى وناسى وعيالى
أيوه عيالى ومستغرب ليه ^_^

اوعدنى

ما تروح عنى بعيد
وتكون النبض اللى فى قلبى ودم وريدى
وماتزعلش فى يوم منى
ولا تسرحش فى يوم عنى
ولا تنسانى فى وسط الزحمة والمواعيد

اوعدنى

انك تكون ليا
وتستحمل غيرتى عليك ديا
واكون شريكتك فى كل حاجة فى الدنيا
ولا تخبى فى يوم عنى
وان غلطت فى يوم لومنى
وتشكى لى كل ما يهمك

وليك عليا

أكون سكَنَك و أسهر تملِّى على راحتك
و فى وقت الهمّ أكون أمك
و فى وقت الفرحة أكون بنتك
ووقت الشدة أكون زوجتك وأقف جنبك كما اختك
ووقت الشغل أكون صاحبك و أشيل عنك :^D
و أكون لك زوجة تصون سرك و على عهدك
وأم عيالك و لو تغيب أحفظ غيبتك
واكون لك مركبة وميناء وبر أمان
و فى كل وقت أكون لك فوق ما تتمنى

وأقولك ايه ؟!!

جوابى :: عيونى بعتالك بشوق سهران
وقلب عمره من قبلك عاش حيران
وروح بتدور على روحها فى زمن اوهام

لكن انت جيت لى دلوقتى
ومستنى على بابى

مينفعش أقولك لأ
ومينفعش أرُدّك آه

أنا خايفة ومش عارفة !

خلاص خلاص
ماتزعلش ولا تمشى واستنى

أنا أصلى بس عايزة أقول : :$

إنى بيك هأكون راضية
وهأعيش معاك كمان على الحلوة والمُرَّة
وكان نفسى من زمان الاقيك وأناديك
يا زوجى فى الدنيا والآخرة :$♥

أنــا موافقــــــة :) :">

هى وهو وما بينهما .. "ليس الحب !"

• هى / داؤها فى الحب صمتها , فهى تستكين فى حضرة محبوبها وتلزم الصمت وكلها آذان مصغية لكل نسمةرقيقة تهب من بين شفتيه

هو / داؤه فى الحب ابتعاده , فهو يُقصى محبوبته عن كل العيون حتى عن عينيه التى هى ابصارهما ؛لكنه يحتفظ بها أقرب ما تكون إلى قلبه ونبض فؤاده


هى / قليلة التحدث إليه , لكنها بالقليل تقول له كل شىء , وإن لم يكن منطوقا فهو مرسوم بالعين و موصول بالقلب


هو / عزيز فى اللقاء معها , لكنه يكتفى منها بالقليل ؛فالقليل منها كالكثير من كل شىء

...
هى / تشتكى بُعده وهجره وقسوة غيابه


هو / يشتكى قلة حديثها معه وعدم فهمه إياها


هى / لم تدرك يوما أنها بقلة حديثها معه ومشاركتها إياه قد تدفعه أن يبحث عن شريكة أخرى؛ تحدثه كى يفهمها فهو لا يريد فقط حبيبة يهواها


هو / لم يدرك يوما أن ابتعاده عنها وقلة لقائهما والحرمان قد يجور على قلبها فيصبح مهجورا ناضبا من كل شىء ,ثم يأتى إليها من يستصلحه فيزرعه أملا وأخضرا وحدائق زهرا

خطأ فادح فيما يُسمونه الحب:

!! كلاهما أحب بصدق و تعلّق بعمق ثم أنكراه بشدة و كان ألمهما أكثر حِدّه

فكل منهما كان يدرك حقيقة مشاعره تجاه الآخر لكنهما أصرّا أن تقف عند كونها مشاعر لا أكثر ,,
 تجرحهم و تؤلمهم وتعيش فيهم فيموتون بها !!


!!جَهِلا المعنى أن " الحب حيــاة "؛ فعــاشا الحب موتاً


الحب انسجام وعمل مودة وليس بُعدا و حِدّه أو موتاً وفُرقة


خلاصة القول / أحِبّ محبوبك وكن معه و له يده وعقله قبل أن تكون بعينه وقلبه


فذاك طريق الحياة الأجمل ,,والثانى حياة أيضا لكنها ليست أدوم

فالعمل يدوم بعد الوفاة و عميق أثرُه ,, لكن النبض يقف بها ولا أكثر يُذكر !

وأخيرا وليس بآخرا /

إن أحببت صارح ولا تكن سارح ,,
وإن صُدِمت فاصفح ولا تكن جارح,,
 وما عشت حِب ولا تكن كاره ,,
وأن عشت بائسا فلا تكن جازع,,
 ولا يقسو قلبك فتكن لغيرك حاسد ,,
أحبب من شئت فإنك مفارقه
 فالحب مدلول الحياة ,, وسيف العمر قاطع

حروف تشبه القصة !

هو / قال : ما رأيك نكتب قصتنا ونحكى كيف التقينا والعمر الذى قضينا ؟؟
هل تذكرين كيف كان أول لقاء لنا وماذا قلنا ؟؟

هى / تبسمت وقالت : لا ,, لا أذكر شيئاً.

...

هو / وقد غيّم وجهه وتحيّر ثم قال : ماذا ؟؟ أقُلتِ شيئاً ؟؟

هى / أعادت عليه القول ثانية : لا أذكر شيئا ..

واعتدلت فى جلستها وأمسكت بيده ونظرت داخل عينيه ونبست :

غير أنّى منذ اللقاء الأول أسهر ,, وقد توقفت ذاكرتى عن تخزين كل ما يُذكر إلا فيما يتعلق بك تحفظه وما سواه تُنكِر ! :)

قل لى ماذا تذكر أنت ؟؟ أم كعادتك لا تتذكر ..
فحبيبى سريع النسيان من كُثُر ما يرى لا يعرف ماذا يتذكر !

هو/ احم .. أشعر أننى ما كان ينبغى لى أن أسأل !

هى / لا عليك حب عمرى ,, كل امرىء يذكر ما يريد أن يتذكر .

هو / وأنا لا أذكر أنى أحببت إمرأة مثلما أحببتك

هى / وهل لك أن تحبّ امرأة مثلما تحبنى ؟!
قد أسمح أن تحبك أخرى لكنك لن تجد حبيبة مثلى .

هو / وهل لى أن أحب غيرك وبِك عرفت نفسى ؟!

هى / لا تتجمل فى حديثك معى ,, أعلم أنك لأخرى كنت تهوى
وقد خالطك هواك كثيرا قبلى لكنك لم تهوِ

هو / غريبة أنتِ وكيف تأمنين مع رجل يخالطه هواه لغيرك ولا تنسى !

هى / ليس من الحكمة أن أترُك من أحب لهواه وعنه أتخلى
كيف وأنا له بر الأمان وإن غاب وأطال رحلته وتاه فى بحر الدنيا ففى النهاية على شاطئ هدايته يرسو

هو / لا أعرف ماذا أقول لكِ غير أنك دعوة من قلب أمّى وقد طابت لى

فلتحضرى الاوراق والقلم وتعالى نسطّر حروفا بالحب لا تقدّر بثمن

هى / هاتلكم الاوراق وذاك القلم ,, أرينى السطر الأول ماذا ستكتبه
وكيف ستبدأ الحكاية وأولها من العمــر .

تناثرت حروف القصة وتهاوت النقاط من القلم
والتحمت بالسطور وبقى أبيض الورق
لم تكن قصة بل كلمات تراءت لذهنى وأرادت أن تُحكى ^_^
دمتم بحب وخير ماذا أخذتم من القصة ^*

أشتهيك !

مازلت أشتهى الكتابة على ضوء عينيك
حين يحضرنى الظلام ويسدل ستائره بالغيم
وحين يشتد الجزر وتحبس دموعها السماء
وفى سكون الليل الذى يترقب همسك ويحمل نسائمك بين الغيوم
فمازلت أنت من يملأ الليالى ابتهاجا واشراقا بين الجفون
...

ومازلت أنت المعنى الذى يحتار فى تفسيره علماء الكون
ومازلت أنت النبض الذى يحيا به الفؤاد ولا يعرف الركون
ولست أدرى اشتهائى لكتابتك هكذا
هل لكى تكون أو كى لا تدوم ؟؟!!

فرحاااااااااان ^_^

مابقتش بخاف من فرحتى
وأنا متعود على أحزانى
أفرح وأغنى وابتسم
والحزن والدمع سكانى
ولا حد شايف ولا سامع
...

أنا كده مبسوط يا زمانى
مابقتش بخاف من بكرة
امبارح أصبح ذكرى
واليوم بيعدى ولا أدرى
ولبكرة هاعيش واتمنى
الفرح يزورنى واتهنى
والالم يفارقنى حبة
يخاصمنى الدمع يجافى عنيا
وان كنت هاعيش فمهما اعيش
فى النهاية هاكون ذكرى
طب ليه اكشّر والضحك أستخسر
دا الضحكة لو مش من القلب مش هيا
حتى لو اللى ساكنه الدمع
ضحك القلوب يكسر احزانها
ويقول للوجع ارحل عنها
ضحكة قلبك تشوفها
الخير هو طريقها
تلقاها بتدور عليك
لو ناسك تساعدها
تشوف الضحكة جيالك
تنور ايامك وتنسيك احزانك
فى فرحة طفل بلبس جديد
فى مساعدة أم تربى يتيم
فى كلمة شكر لأب عظيم
فى دعوة وقلبك صافى بالخير
و فى ابتسامك لقلب حزين
و رسالة حب لشخص عزيز
فى سجدة لرب فى عز الليل
فى الرضا وفى أملك بالجنة
مابقتش تبكينى احزانى
انا كده مبسوط اوى يا زمانى ^_^

ما بعد الغيــاب !

سيف الغياب الذى ظننت يوما
أنه مقاومة لى من جرّاء إفعالِك فىّ
ما استطاع أن يقتلك داخلى
بل أحياك بكل تفصيلة منك ,,
صوتك , نظراتك , حركاتك , ضحكاتك ,
...

حتى ملامحك التى تعترينى حيال حزنك وقلقك !
أيقظ فىّ كل ذرة حنين لدفء قلبك ,
ولحظات السعادة التى كنت تنثر عبيرها آن وجودك ,
حتى الأمان الذى لمسته قليلا بين يديك !
آوااه يا قلب ..
نابضى الضعيف لم يعد يحتمل كل ذلك الكم من الأشواق
ونارها الحارقة التى تكوى القلوب
وتُذهب العقل وتُطفىء نور الأحداق !!
غبت عنك ؛ نعم ..
لكنك لا تغب عنى رغم كل تلك المسافات ..
برغم الصمت و التنكُّر والتحايل على السهر
و التصارع مع الأشواق
برغم الصُّراخ الذى لم يكسر يوما صمم قلوبنا
التى غفلت عن كل ذلك الحب و وارته تحت الثرى
لتأتى أول عاصفة حنين تنزع عنه ستره وتفضحه
وتقول له ::انهض كفاك تخاذلا فمازلت من الأحياء !!
هلُمّ إلىّ كى يخبُ وهج نيراننا المشتعلة
قبل أن تفتك بنا ونلقى حتفنا
تعالَ ندواى علة القلب الذى أشقيناه منذ زمان ببُعدِنا
لا تقل لى بعد ذلك كلِّه أن غيابى هذا قد قتلنى لديك !!
آه من غياب يقتل صاحبه و لا يغيب !!
و يا لروعة غياب يغيب ولا يغيب صاحبه !!
كفاك عبثاً ؛
قُل للغياب : غِب الآن يكفينا حبنا وحضورنا ♥
ما لك بعد اليوم مكان بيننا ^__^

درس فى الغيــاب

نسيت عندك كل شئ علمتنى إياه
إلا الغياب ، وقد حضر معى!
يخبرك أنى أتقنت درسه
وأخلصته والفضل لك..
"الغياب فى حضرة الحب موت،
...

والحضور بعد الموت موته أخرى!"
ماتعلمت منك إلا الموت,
وليس وهب الحياة للمحب ..
وداعا أيها الغائب فى حضوره ،
الحاضر فى غيابه!
لست أودعك قدر ما أحتفى بغيابى لديك!
فذاك ما بقى لى منك
ينصرنى وأحيا فيه بنسيانى .
وداعا يا غائب أودع معه حضورى ، وداعا يا أنا !
مرحبا يا غيابى يا واهب الحياة لنسيانى! مرحبا يا أنت!

همسة قلب

كل يوم يراودنى أمل ويداهمنى سؤال : "أفى الغد القريب نلتقى ؟!"
ويمر الغد يتبعه الغد ,, تذهب سنين ! ويستمر الوعد ,, ويبقى الحنين
؛فيصرخ فىّ الأنين سائلاً:: متى نقول "بالأمس كان لقانا .." ؟؟
قلت :: اصبر ولا تجزع ,, غدا سيبارك الله دعوانا ,,... وتمطرنا السماءُ مداداً
,, ويربطنا ببعضنا الكتابَ ,, ويصير لدينا صبياناً وبناتاً,,
ويمضى بنا العمر ,, نقص روايتنا ونسرد الحكايــا ,, ونقول :: بالأمس كان لقــانا .. :)
ونحكى كيف كان لنا فى الحب زاداً ومتاعــاً ,,
وكيف صبرنا وشقينا ,, وذهبنا وعُدنــا ,,
ولم نجد لنا فى غير قلوبنا أوطــاناً
إن انتابها بعضُ الجفاءٍ ,, وقفت لها أشواقنا بالمرصــادِ
وإن حلّ عليها ليلُ الهِجران,,ما لبِثَت فيه إلا عشيةً وقبل أن تنقضى تهجُرُ الهِجرانَ.
أيــا من رأيتُ جلال اللهِ فيك آيــةً ,, وشَرعتُ نحوَك لا أبتغى منك قيراطاً
من يوم رأيتـك بقلبـى ,, وأنت تسكنه غِلابــاً,,
أما أنــا ,, فلا حولَ لى أو قــوّةً أمام قلبِكَ المُستَوطنُ سكانــاً
أمتطى جواد الشوق إليك رهَوَانــاً ,, وكَأنّك لا تعرف لقلبى الركابَ
أقِفُ على بابِ قلبٍكَ أنتـَظِرُ الجَوابَ ::
هل لى داخٍلَه لو غُرفَة صغيرةُ الأركان؟!
وإنّــكَ لَتَسكُنُ القَلبَ وليس لديهِ سُكّانــاً سُواكَ !
متى أتيتَ هلّلتُ مُستبشِرَةً :: قَد طابَ لنا الزمــانُ
وإن تأخّرتَ استغفرتُ ربى وطلبتُ منه الغُفرَانَ
أَتُرَانــِى أستيقظ صباحــاً ,, أنتَ فجره وضوء عيونك شمسٌ تنير أيامى ؟
وأستقبل أعواما خضراءً معك ,, تكن فيها أرضى وسمائى ؟
ويحمل رَحِمى بُذورا مِنـك ,, تُؤنِسُنى إن عنى غِبت ليالى ؟
ثمّ نَسجُد نُسَبّحُ بٍحَمدِ اللهِ أن لبعضِنا قد أهدانــا ♥
أسأل الله ولا أمِلُّ دعواه ونجواه ,, فما كان لىَ فيه الخير سيُهدينى إياهُ
أثِقُ بكَ ربّى ,, فما عرَفتُك تَرُدّ سائلاً أو تُخيّب رجَــاءً
قَد يُؤَجٍّلُ اللهُ أمانيــنا ,,,لكنّه لا ينســاها :) ♥♥