حنين ..

بقلبى حنين تخطى السنين 
و زار فى عينيك الأنين 
رأى العمر مقبل بغره الجميل 
نما فيه سحر مخضب أصيل 
أتاه من قلب بياضه الياسمين 
كمن نجا من ظلمة لنور مبين 
أنين يكسوه حنان عظيم 
يداوى بعمق جرحه القديم 
تعلوه ابتسامة محارب قدير
أرى الآن فى عينيك الأمان 
قد صرت حرا أسير الجنان  
فلا الخطب خطر و لا القلب جبان 
تعالى لنسلك طريق الوفاق
فإن العمر يخطو و الأجل إلى فراق 
لبثت العمر يوما بطول السماء 
و مضيت الطريق صعبا بجهد الشقاء 
و سقيت الحلو مرا بصبر الفناء 
فلا غير عينيك دليل البقاء 
و لا غير نبضك سبيل اللقاء 
و لا غير وصلك حديث المساء 
فكم من حسان تختال فيه حسنا 
و حسنك أنت قد فاق الخيال

متى الصبح يأتى بإشراق عينيك ..

متى الصبح يأتى بإشراق عينيك
و صفو إبتسامة تبسطها شفتيك
و صباح الخير حلوة طيبة منك
إذا الكون ضاق ، تسعنى يديك
إذا الليل طال ، تطويه بجناحيك
إذا الحزن بان ، راح بلمسة منك
تنادينى .. تصفو الأركان
تصافينى .. تحلو الأنغام
تجافينى .. أسهر بألامى
إن تذهب تتبعك عيونى
إن تتعب ترعاك جفونى
إن تغضب يطفئك حضورى
لا أصبر بعدا يضنينى
و أغدو بحال يشقينى
إن ترحل تغمرنى دموعى
و تفارق روحى الأحلام
و يغادر من قلبى أمانه
لا يهدأ إلا بوصالك
و الروح يحييها حنانك
و العين تلمع بلقائك
يا نبضا تهواه ضلوعى
و فجرا تنشده غيومى
و روحا تذهب بجروحى
إن تأتى العمر يتجدد
و الطير يشدو و يغرد
و الزهر يغار و يتنهد

قصة قصيرة ..

تفضل الصمت .. لا لشىء غير أنها لا تجيد القيل و القال معه .. !

تذكر اللقاء الأول بل  الأوحد على وجه التحديد .. و تذكر كلمتها له جيدا التى لا تعلم حتى تلك اللحظة ما دفعها ليجرى بها لسانها حينها .. ! 

هى :: أتذكر  ؟!  

قلت لك :: لا تأمن .. فلا شىء مضمون ..!! 

 لم تكن تعرفه .. أو سبق أن التقيا .. فقط نظرت داخل عينيه دون أن يلحظ ..وجدت له نظرة حادة ثاقبة .. و تجوب جميع الاركان فى لحظة واحدة ..  قرأت من تلك النظرة أنه دائم القلق و التوتر و كثير الشك بالأشياء كلها .. كما أن بعينيه عمق غريب .. ينم عن حزن شديد و ألم مكين .. ! 

قالت له تلك الكلمة و انصرف هو  .. 

و من يومها تسأل نفسها سؤالا .. لماذا قلت له تلك الكلمة  ؟! بالرغم من أن الموقف لم يكن يستحقها .. فقد نطقتها على شكل دعابة .. و لم تجد منه ردا عليها و انتهى الموقف على ذلك .. 

ثم تأتى مرة أخرى .. يتحدث إليها شخص لا تعرفه على موقع للتواصل .. و بدأ الحديث .. و بعد التحية .. و مرة بعد مرة .. حدثها عما يحلم به فى حياته .. ذكر أن كل ما يتمناه هو أن يحصل على درجة علمية تناسبه و أن يجد شريكته التى تفهمه من الداخل و سوف يبذل من أجلها كل ما بوسعه و فوق ذلك و أن يمن الله عليه بذكر و أنثى  .. فدعت له الله أن يحقق أحلامه كلها .. ومرة أخرى .. 
شكى من الناس و الحياة كافة .. و أن لا أحد يحمل هم آخر .. و ذكر وحدته .. 
ثم قال سأذهب فى سفر و القاك بعد السنة ! 
 و نسيت الأمر و انتهى 

بعد مرور أشهر عدة .. عاد يتحدث اليها  .. و يطمئن على أحوالها .. و ذات مرة .. تحدثت هى إليه .. لتطمئن عليه .. و تسأله عن حاله .. حيث أن ثمة شىء غريب حدث معها  ؛  استيقظت ذات مرة  من نومها فى فزع فجأة لترى وجها أمامها شديد العبوس و أوحى إليها أنه هو ..  ترددت كثيرا قبل أن تخبره .. و لكنها استقرت على أن تقول له و وصفت ما حدث و حددت التوقيت .. 

هو :: بالفعل حدث ما ذكرته .. فلدى العديد من المشاكل  و لكن كيف لكى أن تعرفى ذلك ؟!!! بالرغم أنى لم أخبرك كما أنى لم أخبر أحدا قط .. تلك مشكلة أكبر !!!! 

المفاجأة هنا .. أن الوجه الذى رأته أمامها كان نفس الوجه لمن قالت له الكلمة الأولى :/ 
   
فعرفته بنفسها .. فتذكر الموقف و بالكاد تذكرها .. !

و لم تعطى الحدث أكبر من حجمه فكانت لها مشكلة هى الاخرى .. 

و تابعا الحديث .. و مرة بعد مرة .. وجدت نفسها تصف له حاله وقت الحديث معها قبل أن يتفوه هو بالكلام و من دون أن تراه .. و يستطردا الحديث الذى كان محوره كله عليه .. و كأن لها عيونا سحرية ترى بها ما لا يستطيع غيرها أن يراه .. فكانت بالنسبة له أكثر من مدهشة .. و قال لها كثيرا .. أتريدينى أن أجن ؟! 

ما السر وراء ما يحدث معك ؟!  و كيف تنظريننى و تصفى ما أشعر به و أنا لست أمامك ؟! و لم أخبرك بشىء !!   

و ترد هى الأخرى .. لماذا أنت بالذات  ؟!  لا بد أن بك شىء مختلف .. فلم يسبق و أن حدث معى ذلك قط بهذه الصورة .. أكاد أجن !! 

و تتابعت الأيام .. و وجدت نفسها تقرأه من الداخل بكل بساطة .. فأصبحت تراه أكثر وضوحا .. و فى كل كلامها معه لم تذكر له أمرا واحدا غير صحيح على حد قوله .. ! 

هونت عليه أمورا كثيرة .. و ملأت به فراغ قلبها 
هى لا تريد منه شيئا .. غير أنها تفتقد اهتماما من نوع خاص .. اهدته إليه .. ! 

لا سبيل لانكار أنهما تمنيا بعضهما البعض .. لم يلتقيا بالرغم من تلاقى أرواحهما كل ليلة ..لكن ثمة أشياء كثيرة لها حسابات أخرى  .. فكلاهما يعرف تماما كيف يحب .. و كلاهما يخاف جدا الحب 

فمشكلتهما تكمن فى الكلمة الأولى .. كلاهما لا يأمن و لا شىء مضمون !!

بالرغم من كل شىء .. لم ينكرا الحب !

هو و هى ..

هى : أحتاج لرجل مثلك فى هذا الزمان 
هو : و أنا بحاجة لدفء امرأة مثلك لا يعرفها هذا الزمان 

هى : و ماذا بالإمكان ؟ 
هو : اللاشىء ممكن ! 
هى : و ماذا ينقصه ؟ 
هو : كل شىء .. ! 
هى : ألا تعرف ما تملكه ؟! 
هو : لا أذكر أننى أمتلك شيئا 
هى : و إن أخبرتك أن قلبى ما تملكه ! 
هو : إذا فهذا هو كل شىء 
هى : و ماذا عن اللاشىء ؟! 
هو : مادمت أملك كل شىء فاللاشىء أعرفه 
هى : ألا تعلم أن اللاشىء أصبح أهم من كل شىء ؟! 
هو : بلى أعلم و فى استطاعتى .. هل لى بسؤال ؟! 
هى : لك ما تسأله ... أى شىء تريد ؟ 
هو : لماذا .. و كيف ؟!! 
هى : هناك أشياء تؤخذ كما هى .. لن تفيدك عنها الأسئلة .. ألا يكفيك كل شىء ؟!
هو : أبدا .. بل أريد أن أعرف كيف أكون اللاشىء و أنا أملك كل شىء ؟! 
هى : أعرف أنك مازلت مرتاب بعض الشىء .. هدىء من روعك و اطمئن .. 
هو : و هل بعد ما لم نقله شىء يستدعى القلق .. :-)

و قال حضرت و غاب ...

و قال حضرت و غاب .. ليس لديه أسباب ! 
قد كان تمنيه اللقاء .. بل أقصى من ذلك نظرة بقاء 
قد كان يخطو كل خطوة باحتفاء .. و كان يرمى كل نظرة فى خفاء 
و قد كنت الحظه و ابتسم .. و كنت بين الحين و الاخر بلحظه ارتسم 
لم يلحظ الباقون مروره فى القلب .. كما لم يعرف هو كيف يخطر للعقل 
ذات مرة سكنت نظرته العين .. و استقر فى مكانه بالقلب 
هنالك أخبرته بكل ما يدور فى خاطره .. و أمعن في النظر كأن شيئا لا يفهمه 
و قفت فى ثبات و دققت فى عينيه .. فالتقى جواب الحال بعمق ما يرسمه 
فما لبث أن لبى نداء طبيعته .. و قال فى همس هو الحب عرفته 
لم أكن لأرفض دعواه بالقرب إذ تمنى .. كما لم يسبق لى الحب كما تجلى 
أجمل ما يمكن أن يوصف إذ تغنى .. و أوقع مايمكن أن يحيا إذ تأنى 
هو الحب يا صديقى ما لقيناه .. لكنه ضل عنا إذ أهملناه 
فلا حب يبقى دون أن ترعاه .. و لا من غير ود يصله بالحياه 
و الآن بعد أن عرفنا تنكرنا ... و بعد أن أسعدنا ظلمناه 
و قال الحب حضرت و غبت .. فلكما كنت و بكما صدمت .. !

لقاء ..

هو : هل التقينا قبل ذلك الآن ؟
هى : عفوا ..هل رميت إلى بسؤال ؟
هو : نعم .. هل التقينا من قبل ؟
هى : و كيف لى أن أذكر ؟ هل تعرفنى ؟
هو : لا أعرف .. لكن ثمة شىء يجذبنى إليكى .. و كأنى أعرفك منذ زمان طويل !
هى : ماذا ؟!
هو : أشعر فى قلبى بخفقان غريب معه ارتياح !
كيف و لماذا ؟ لا أدرى !
هى : وهل تقابلنا من قبل ؟!
هو : ماذا قلتى ؟ هل هذا السؤال لى ؟
هى : نعم لك .. لا أدرى ماذا يحدث حقا.. أقلبى الذى ينبض أم قلبك ؟!!
هو : و هل وجدتى ما أجد ؟!
هى : لا أعرف .. أخبرنى ماذا وجدت أنت ؟
هو : ثمة نبض .. خفقان .. نغم داخلى يطرب له القلب .. لم يحدث هذا من قبل .. كل أجزائى تنجذب ناحيتك كأننى تحت تأثير سحر لا أستطيع أن أوقفه !!
هل هذا ما يحدث معك ؟
هى : بل أشعر بفوضى داخلى لاشىء منتظم .. و كل ما أعرفه أننى لا أريد العودة إلى النظام الداخلى .. أحببت ذلك الشعور !!
هو : ألا تعرفى ؟
هى : و ماذا تريدنى أن أعرف ؟!
ما مررت قط بمثل هذا من قبل !
و هل ستخبرنى ما الأمر ؟
هو : بلى .. و يكأنه نداء الطبيعة .. ذاك ما كنت أنتظره دوما و أبحث عنه .. و ماذا عنك ؟!
هى : طالما حلمت بأن يحدث مثل هذا .. لكنى أبدا ما صدقت ! هل مازلت أحلم ؟ هل هناك شىء كهذا يمكنه أن يحدث فى هذا الزمن ؟!! أكاد أجن ..
هو : هدئى من روعك فلا يزال دوما قدر جميل و وعد حق بالنصيب .. :-)

أنت ..

مازال بالعين ضى
انت مصدره
و مازال فى القلب حى
انت سيده
و مازال فى النبض قيد
انت آسره
و مازال فى الروح سكن
لهمس انت نابسه
يا من بعين القلب احفظه
و بجنب الروح ألمسه
و برؤى العين ارسمه
مالى بحال منك وجده العدم
تهفو إليك الروح و تسبق الفكر
هل لى بغيث سماك
؛ يرتوى العطش
أو لى بظل سناك
؛ فيخمد اللهب
أو ترمى بطوق نجاة
؛ يعلق الغرق
كل أسباب الحياة
إليك و منك تنبثق
كن حاضرا وقت الغياب
؛ فتشهد الشوق
أو غائبا يدق الباب
فيذهب الشجن
أو عابرا تطوف ديارا
فتأنس بى وطنا
كن أى شىء و كل شىء
فليس لى بعدك شىء
كن فى السر كالعلن
و كن لى الراحة و التعب
و كن فى الامر مبتدأ
و لحسن الخبر متكأ
كن فى الجد و الهزل
و سر الصمت و الجدل
و نبع النشاط و الكسل
و عمق الليل و الصحو
و ملؤ العين و العدم
و عشق الروح و الجسد
كن مر الحلو و العسل
و سر الضحك و العبس
كن أنت الوصل و الهجر
و نسيم الروح و الكره
كن كل ضد و النقيض
كن دم القلب و الوريد
كن فى الجد كما الحديد
و وقت اللعب كن الصديق
و عند الحسم قاطع شديد
اريدك بقدر الصبر فى معاناتى
بقدر الدمع و الشوق و حلم حياتى
بقدر طموحى فى تحقيق ذاتى
اريدك مثل جميع تطلعاتى
و على مقدار حاجاتى
اريد فيك العطف
و من اول السطر
الرصانة و الاصل
اريد فيك الضعف
عند عمق الوصل
اريد معك الجنون
يملانى حتى الجفون
اريد الكون فى عينيك اسكنه
و بر أمانى براحتيك مرساه
و حلو العمر فى جنبيك أنعمه
قل لى بأى العمر ألقاك ؟
و كيف العين تنقاك ؟
و ما بعيدا أبقاك ؟!
يا كل العمر أما كفاك ؟!!

لو تسمحى ...

حلمت بيكى لو  أعيش معاكى 
ويروق زمانى و تصفى عنيكى 
العمر كله أجمل أمانى 
لو تسمحيلى ..
و يا العيون احلى ابتسامة و فيها اكون 
لو تسمحي..
ويا الدقات العمر يهرب و تسكنينى من سكات 
لو تسمحي..
ويا الظلام لو شاف عنيكى و فى عينى نور لو تخطفيه 
لو تسمحي ..
ويا السكون لو جه فى مرة اتملكك تاخدى الحنين اللى فى عيونى و تهربى 
لو تسمحى ..
يسعد زمانى لو تبقى فيه 
و يزيد حنانى لو ترضى بيه 
لو تسمحيلى ..
أغير عليكى من الهوا اللى يطول خدودك و ألمسه 
لو تسمحي..
أدوب فى نظرة من عنيكى و أرسم قلوب و معاها أدوب 
لو تسمحى ..
جوه الآهات أعيش فى وجعك و أسجنه فى أبعد مكان 
لو تسمحى ..
فى دمعة عيونك ابتسم تاخديها منى و تهزمى الأحزان كمان 
لو تسمحى ..
فى فكر بالك أكون شريك 
و فى حلم عمرك أكون جرىء 
و فى كل وقت أكون صديق 
لو تسمحى ..
نكمل الاحلام سوا 
و نشرق فى الأيام سنا
و نبدل الأحزان بفرح 
و نغير الأوجاع لراحة 
لو تسمحى ..
أنا عمرى كله باقدمه و أنا بين إيديكى 
و بأقولك طول الوقت دا إنى حلمت بيكى
لو تسعدينى و تقولى انك كمان حلمتى بيا 
و إنك موافقة ع الكلام اللى قالوه عينيا 
و انك تعيشى معايا ف أيامنا اللى جاية 
لو تقبلى ..
اكون أسيرك و ظل طيفك 
و اكون فى ضعفك قوتك 
و اكون فى صمتك كلمتك 
و حنيتك و قسوتك
و اكون جنونك و حكمتك  
لان قلبى يشبهك ..
و حلمت بيكى لو أعيش معاكى 
و تسمحى ..

بتسألنى عرفتى منين ؟!

بتسألنى عرفتى منين 
و عايزة إنى أتجنن 
حالى إزاى تقوليلى عليه  
من غير حتى ما اتكلم 
و فى كل مكان بروح انا فيه 
الاقيكى عارفاه من الاول 
و ازاى بتشوفى اللى مخبيه 
مع إنى عمرى ما أبين 
بجد طلعتيلى منين 
فى وسط الضلمة انا شفتك 
و وقت ضياعى انا قابلتك 
و فى عز الضيق انا نديت لك 
كنت يائس و تملى بكتم 
لكن وقت ما لقيتك بدات إنى اتكلم 
حاجات حسيتها بتخوف 
و حاجات تانية بتطمن 
و حاجات كتيرة انا فاهمها 
و حاجات اكتر بتحير 
آنست وحدتى بيكى
و نفسى عرفتها فيكى 
و أملى اتجدد بعنيكى 
لكن سؤالى ماجاوبتوش
و وصف لحالك ما عرفتوش 
و زيك عمرى ما قابلتوش

يا واخد على خاطرك

حبيبى يا واخد على خاطرك
خد من قلبى بوسة لقلبك
اطمن ابدا مش ناسيك
و لا حاجة تأثر على حبك
انت اللى بحسه و برتاحله
و انت اللى ف فرحى اقوم نادهه
و انت اللى ف تعبى بتطبطب
و اشوف بعنيك كل الدنيا
و الاقيها ف ثانية بتتزوق
و العمر جديد لسة بيبدأ
و الكون دا بحاله بيتلون
و يروح تعبى بحبة سكر
من كلمة تقولها مش اكتر
لو تزعل الدنيا بتقفل
لو تبعد قلبى بيتحير
و يروح من عينى نور الدنيا
و الاقينى ف حالة مش هيا
اوعاك تزعل ابدا منى
 و لا يوم تنسانى و تهجرنى
كل اللى انا فيه انت اساسه
و انا بحلم بيك عمرى بحاله
دلوقت بقولك يا حياتى
انت اللى بتسعد أوقاتى
و أنت اللى انا روحى رايحاله
و انت اللى هواك سره حنانى
كفاية خصام نرجع تانى

إن كنت سأتحدث عنك .. فلن يسعنى  إلا أن أقول لك عشت .. !
فما أجملك يا عمر  ما كنت ألقاه إلا بعينيك 
و ما أروعك يا حس ما كنت أحياه لولا نبس شفتيك 
و ما أحلاك يا روح ما كنت أستشعر  حلاوتها إلا وقت عرفتك ..
أستطيع القول أن القلب لم يكن ليتذوق طعم الفرح من جديد إلا بك أنت   ..  
من أين أتيت ؟!
إذ كان الوجود للعدم ..
و الصدى هنالك للألم ..
و الكون تصرعه الغمم .. 
إنى رأيتك قبل الفجر نورا و فى السماء دليلا و على الأرض اكليلا .. !
مالى بحال منك وجده العدم ؟!
أى السؤالين أدق ..
من تكون أنت ؟! أو أكون أنا ؟! 
فليس يطيق الصبر جوابا 
فقط يسألك الزوال أن تبقى .. !

صمتى عنك لا يعنى أن القلب لم يعد يراك  ... بل إن فى القلب إليك حديث لا تستوعبه الكلمات !
ظن فى ما تشاء و ابتعد كما تريد 
لكن فى الوقت المناسب ستجدنى إلى جوارك من جديد ....
يحدث  أن أشتاق 
و يحدث أن أختلق الأعذار 
كما يحدث ألا أشتهى الحوار 
إن أردتنى ستعرف كيف تجدنى .. سل قلبك عنى و تحسس موضعى بداخلك .. تحدث إلى فى صمتك .. عندها سوف ترانى !

الحب ..

الحب قوة و إنت مش ضعفى #محتاجاك

الحب مش غنوة الحب احساس و شعور و اتجاه #اسمعه جواك

الحب شوق تقابله  بلهفة و دموع فى فرحة #الحب مشاركة

الحب مش كلمة الحب استعداد و موقف و حياة #الكل بيستناه

الحب لقا حتى فى البعد مش فرقة و حرقة #اتلاقوا

الحب أمل فى بكرة مش توهه و ضياع و أوهام #لسة بكرة جاى

الحب فكرة و عمل مش غفلة و حلم فى المنام #احلم و انت صاحى

الحب اختلاف متناسب و طبايع مشتركة مش فرق السما و الارض #اختلاف يناسبك

الحب حرية و حنية مش فرض سيطرة و قسوة #حبوا صح

الحب سؤال و جوابه الحال مش غربة فى القرب و لا فارقة #أجمل معنى

الحب مش ملو فراغ و خلاص الحب هو الحياة #ومعاه بتحلى

الحب نور و طاقة عطاء مش هجر و فراق #طاقة أمل

الحب نبته نسقيها صدق و أمل و طموح تطرح فرحة ترد الروح #لو جواك هتلاقيه

الحب إيمان و ود و تضحية عمره ما كان يأس و ضعف و أنانية #الحب إيثار

الحب فهم عن و فهم من فى الصمت قبل الكلام #الحب انسجام

#حبوا .. الدنيا متفارقة ..

اتجنن 😄

أقصر الطرق لقلب الانثى عقلها فإن أقنعتها مبروووك عليك كلها :-D
و إن لم تحاور عقلها انسى انك توصل لقلبها #خط أحمر

و لو حسيت إنها ناوية تجنن و تحبك يبقى الحق اتتجن معاها و حبها بس اوعى تخليها تستناك كتير وقتها تبقى خسرتها يا حلو :-V #لو جاتلك فرصة اتجنن ^^

و لما تكون حبيبتك مجنونة و بتحبك هتعمل كل حاجة تضايقك عشان تستفزك :-D و انت لازم تكون اجن منها و تنبسط لانك متاكد إن  دا دليل حبها و انك كسبتها :-D
#للجنون أوجه كثيرة دا واحد منها


لما تشوف حبيبتك عاقلة و عرفت من صحباتها انها مجنونة اوعى تقولها ورينى جنانك لانك هتشوف عقل مفيش بعد كده هى مش محتاجة تقولها اتجننى اصبر لما ييجى وقت الجنان هتشوفه على اصله ^* :-D
#كل وقت وله جنان :-D

و لو شايف نفسك مجنون و عايز تستفز جنون اللى قدامك كلمه بمنتهى العقل و هو هيقولك انت عايز تجننى ؟! .. اعرف انه مجنون اكتر منك :-D :-D
#لكل قاعدة شواهد :-D

قلوب..

فى قلوب توعد مهما بتبعد تفضل فاكرة و مابتنساش 
و لما تلاقى اللحظة مناسبة و تقدر تدى ماتلومهاش 
ليه تتاخر عنك تبعد خلت قلبك مات و لا عاش 
انسى القسوة و خدها فى حضنك ضمها اكتر ماتسبهاش
و انت هتعرف قيمة القلب اللى يصون عهد عدى سنين بعده و ما سلاه  
اصبر تفهم سر الغيبة و مر الغربة و ألم الفرقة و ظرف حياه 
و تلوم نفسك مليون مرة لانك مرة ظلمته زمان 

و قلوب تانية خسارة الثانية تضيع وياها و ماتسواش 
مهما تقرب منها بتبعد تفضل تحسد ما بتهداش 
كل ما تلقاك تضحك تغلى و حتى البسمة ما تعرفهاش
ابعد عنها كمان و ادعيلها تعرف معنى" الحب حياة "

و قلوب تالتة تحب الضحكة تعيش الفرحة و وقت الشدة ما تلاقيهاش 
تعرف سرك تحتار زيك وقت ما تطلب رأى بلاش 
تسأل عنها و لا تشكيلها كل كلامك  
مايلزمهاش

فى قلوب بتقابلك بالضحكة تتمنى تشوف منك فرحة و تشيل همك وقت الفرقة الدنيا معاها و لا فارقة
 قرب منها و  عيش جواها تلقى حياتك تحلى معاها
 تبت فيها و دارى عليها لو ضاعت ما بتتعوضش

و انا هاعمل من غيرك ايه ؟!

و أنا هاعمل من غيرك إيه ؟!
شوقى ازاى تلومينى عليه
و عمرى معاكى انا مستنيه
و الصبر انا ماقدرش عليه
تسلم لى عيونك و الروح
و القلب اللى ماهوش مجروح
و الهمس اللى بيشفى البوح
و عبيره اللى يرد الروح
بعدك عنى ماهوش مسموح
و أنا هاعمل من غيرك ايه ؟!
بتغيبى الفرحة تخاصمنى
و الضحكة قوام تبعد عنى
و لا الاقى حد يطمنى
غير لما عيونك تندهلى
 و همس شفايفك يلمس قلبى
و تطبطب ايدك على كتفى
يا حنانك دا اللى مدوبنى
و طيبتك دايما بتاخدنى
الراحة بقربك بتبان
و الدنيا بتلبس فستان
ابيض اخضر و كتير الوان
و بحس فى حضنك بامان
و انا هاعمل من غيرك ايه ؟!
اوعدى قلبى ما يوم تسبيه
و بحر حنانك يغرق فيه
 و نبضى فى قلبك دا تحسيه
و طول العمر تحافظى عليه
و انا هاعمل من غيرك ايه ؟!

قلب الطيب

لما بتلمس قلبه الطيب
لما تحس بحضنه قريب
لما تشوف بعنيه الحلوة
يسكن قلب عيونك جوة
تلقى طيفه تملى يشاغلك
يشغل فكرك بالك يسرح
يبدأ قلبك ليه يتحرك
تسمع صوته و ترسم صورته
تلقى جمالك فيها بيحكى
كل حياتك بيه تتلون
علشان قلبك بقى لون قلبه
عمرك يفرح و لا يوم تجرح
لما تحب القلب الطيب

و رجعتى يا عين تحبى الليل و تحنى للسهر تانى 
و تغنى ويا نجوم الليل لولادة العمر و فيه أمانى 
كبر الحنين خطى السنين و الجرح اللى زمان عاشه 
حتى الاهات صوتها سكات مالها تاثير فى وجدانه
و لسة القلب قادر يحب و نبضه جرئ ف جريانه 
و بدأ الفكر يتحير و انشغل البال و متغير 
يا روح متاخدة فى حكاية 
احساسها جميل و دى بداية 
على فين هتروح يا حلم العمر
فى عشقك ما بين البيض و السمر  هترسى و الا بعد الشط  
و هتدفى و الا تاه القلب 
يا القمر اللى انا سرى معاه 
و يا السهر اللى سمعت حكاه 
 و يا نجومى غنى فى سماه 
و يا قلبى اللى عاش وياه 
و يا عيونى اللى سهروا معاه
و يا روحى اللى عاشقة خطاه 
قولوا لى إن كنت اطمن 
و اروح اقول له و اتجنن 
ع الحال اللى انا عايشه 
و الحلم اللى انا شايفه 
و حنينى اللى انا شايله 
و سنينى اللى هتحلى معاه 
و العمر اللى هيكمل بلقاه 
و الا قلبه مش خالى 
و يرجع جرحى من تانى 
و تدبل فى العمر أمانى 
و أغنى و أقول كان مالى 
و ليه استنى كل دا ليه 
هاقوله خلاص و اتعب ليه 
ما يمكن قلبه هو كمان 
مستنى و مشغول البال 
يطلع حلمه كان ليا 
و حاسس من زمان بيا 
واقوله انا ليك م اللحظة ديه

هناك أحلام نؤجلها من أجل حلم
و أحلام أخرى نمتطيها من أجل حلم
و أحلام لا ندركها و قد فات العمر ..
لا تقصر حياتك على حلم واحد بل اجعل لنفسك قائمة أحلام
فالحلم يظل حيا حتى نلقاه فإن تحقق أصبح أملا منسيا قد بلغ منتهاه
كلما تبلغ حلما افرح بانتصارك  و انظر لما وراءه من أحلام
لن تفقد الامل و لن تنظر للوراء
لكن إن قصرت حياتك على حلم واحد و لم تبلغه
أصبحت عديم الفائدة مهزوم الوجدان ميتا على قيد الحياة
انهض و تحقق من قائمة أحلامك و أنك تسير دوما للامام
لا وقت للبكاء على حلم لم تبلغه
و لا وقت لسفر لا تملك ما تركبه إليه
و لا وقت لقيض أنت فى غنى عنه
الحياة قصيرة مهما طالت عش فيها بكبرياء الطموح
تفقد نفسك من وقت للاخر :
اعلم ما تملكه و ما فقدته و ما وصلت إليه و تابع السير
اقهر وساوس المدعين حماقة أنك لن تصل إلى ما تريد ..
#مازلت حيا فى مكان ما و أعرف ما أريد سأصير يوما ما أريد ..

و أعشق سكنى فى  عينيك
و راحة عمرى بين يديك
كم عشت طويلا قبل العمر
لألقى العمر و فى أجزائك غاياته
كم سرت و جلت و صلت
لأبحث عن أشياء تطمئننى
تلك الأشياء وجدت صداها فى عينيك ينادينى
ما كنت لأبحث عن حاجات أفقدها
بل سرت إليك فإذا الحاجات تباغتنى
لم أدر وصفا كيف أخذت بهذا الشكل
من سر جمالك المكنون و روح يملؤها الأمل
فكيف أكون بهذا اليوم
حين يفور البدر
و تصفى لعينى لقياه ..

قلوب تبعت جوابات تطير فى الهوا 
و قلوب تسأل قلوب عن الدوا 
و قلوب تدخل جوه قلوب إنما 
فى قلوب تقدر تفتحها 
و قلوب ماتعرف مفاتيحها 
و قلوب تتوه وسط الزحمة 
و قلوب تتلون على كيفها 
و قلوب ما تقدر تصرفها 
بين دول و دول تحتار قلوب و تدوب 
ما بين جراح و عذاب 
و وصل فى عمر خاب 
و ود لعمر صاب
فى قلوب تكسرك و تكسرها  
تلقى القلوب 
تتقلب
 و كل ساعة فى حال
ساعة تغنى موال 
و ساعة تعزف الحان 
ساعة تردد أذان و تتوب 
و ساعة ترجع للذنوب
و عجبى ع القلوب

مش عارف ليه كل اما اشوفك اشتاق اليكى
فى حاجة فيكى يا حبيبتى واخدانى لعنيك
فى عنيكى سحر و سلام و نظرة غرام  بتقول تعالى
قابل فى قلبى يا حيران كل المعانى
تعرف عيونك شطها على بحر عينى
و تدوب و يا الحنين اهات كتير و تصفى سنينى
كل اللى عشته زمان كان عمر خالى
و النهاردة تكمله اجمل ليالى
اسكنى  القلب اللى  لسه اماله خالى
و اوعدى الصبر انه ينسى مراره  تانى
و اوصلى العمر اللى جاى باجمل أمانى
و اطلقى الفرحة فى وريدى
و ازرعى الورد فى حنينى
و داوى الجرح اللى فى قليبى
مش شايف غيرك يا حبيبتى تحلى سنينى
انا قبلك كنت تايه و الخطوة بتبعد
وقت اما شوفتك لقيت كيانى و الامل اللى يسعد
مش عايز غيرك يا حبيبتى و منايا قربك

و بحس براحتى و انا معاكى
الدنيا براح و السما أفراح
و العمر بدايته فى عنيكى
كل الاحلام فى الحال اقابلها
على شط هواكى و ف ايديكى
بلمس ايام حلوة جميلة
و بعيش وياكى ف جنينة
و انا طير فى سماكى من الليلة
اسكنى قصرك يا أميرة
انسى الاحزان و العمر الجاى
ورد فى بستان و الكون بيغنى حوالينا
انا عايش فى الدنيا عشانك
و سعادتى فى الدنيا وصالك
و راحتى فى قربك و انا حلالك
مش عايز المح فيكى الخوف وانا امانك
و لا عايز مرة دموع و اهات و انا كيانك
و لا مرة تخبى ف قلبك ضعف انا احساسك
خلى روحك تملى جمبى
و دق قلبك مع دق قلبى
و ضى عنيكى صورتى و كأنى
 دايما معاكى حتى فى بعدى
عايزك تنسى نفسك معايا
و تدوبى ف همسى و لمسة حنايا
انا كلى ليكى و بين ايديكى
يا حلم عمرى و سرى و حياتى

لما تكون مهموم زعلان
خايف من الوحدة و قلقان
شايف كل الناس اركان
ركن بيضحك ع اللى يهمه
و ركن بيشكى م اللى يهمه
و ركن بيكتم جوة ف نفسه
و ركن ف وهمه و عايش حالته
و انت ف حالك ليه قلقان
اوعى تحس ان انت جبان
خرج طاقتك حفز نفسك
تلقى جمال الكون الوان
يلا اتغير اوى و اتطور
املى حياتك حب، ايمان  
ايوة هتقدر ليه متحير
كل الصعب يهون قدام
ثقتك ،جلدك، صبرك، عزمك
كل دا فيك ، وقته بيبان
خلى العمر اماله طويلة
و مد الصبر حباله جميلة
و جدد ثقتك تلقى عزيمة
روحك تهدى و قلبك يحلم
لما حياتك بيك تتغير
تنسى ف يوم انك زعلان

كيفك كيفها الاحوال
وحشتنى معاكى الايام
 يا ما نفسى نعيش الاحلام
 نتمنى لسنين قدام
 الفرحة تكون فيها عنوان
 و الدمعة ما تلاقى مكان
 و الراحة تكون لينا بستان
 ارض و خضرة و رزق حلال
 و طير بيغنى براحة البال
 و شمس الصبح تلالى يا سلام
 مع نسمة صيف اجمل الحان
 و ورد منور ع الاغصان
 و عبيره مغطى الاركان
و بيت مليان عزوة و فرحان
و تبقى تملى بخير و امان

حورية جميلة فى عينيا
تنور ليا ليالي
ساكنة بقلبى و بروحى
تسعد أيامى الجاية
أشوفها قصادى اتحير
و تبعد عنى اتغير
و حالى معاها مليون حال
و شغلانى بقالها زمان
مرة تود اكون صاحب
 و مرة تهج اكون حاضر
و مرة تحب اكون عاشق
و مرة للفراق تشتاق
اكون لها ند فى الفرقة
و تسال من جديد تانى
فارقة معاك ؟ ليا بتشتاق ؟
اقول الفرقة لو مرة
بلاش منها و لو مرة !

و قال مش عايز يخدعنى !!

و قال مش عايز يخدعنى
و خاف من نفسه و ودّعنى
علشان مش يقدر يجرحنى
و لا قادر ينسى كمان وجعه
من حب قديم عايش حالته
ساكن جواه و راسم صورته
طب ليه من الاول يشغلنى
و يحرّك قلبى و يرسم لى
حلمه اللى انا فيه و انه حاببنى
اكون وياه و سعادتى معاه
و اغير طبعى و اثبت له
هو اللى بقلبى و بهواه
و حياتى تكمل بلقاه
ماشغلنى خلاص حيّر فكرى
دخل قلبى و لمس نبضه
و همسه بيسعد لى الاوقات
غيّر فى عينىّ كتير حاجات
و الكون حواليا زهور فراشات
كل اللى انا فيه و يقول لى خلاص
اسف على وقتك ضيعته
و كلامى اللى انا قلته سحبته
خايف مانساش و انتى معايا
و تتكرر تانى مأسايا
كل دا يعنى و ما جرحنيش ؟!
و قال ايه مش عايز يخدعنى
و سهمه صايبنى  !!

أقولك و الا ماتكلمش

اقولك والا ماتكلمش
زمان كل اللى فيك دا ما بانش
و لا عمره الحنان يتغش
لقيتك كتلة م الاحساس
و نبضك غيره كل الناس
و وصفك يا ما حيرنى
و فى الاخر ما وصلنى
لغير الفكر فى الحالة
و وصف الحالة غيرنى
و سهرنى
و خلى الحالة محتاجة
لنظرة من جديد تانى
ايوة و قلت م الاول
احساسى بيك بيتغير
و حنينى لك ما يتقدر
و شغلك فكرى دا الاكبر
لكن دا كله بميعاده
و الصبر يجمع احبابه
لو اصبر بكرة قلبى ينول
و عمر الفرح بيننا يطول
و لا نندم على اوهام
صنعها ف ليلة فكر جبان
و طول العمر نتكدر
على شيء ما هو مقدر
الحب سهل يتوفر
لو قلبه دافى و مطمن
لكنه فى ساعة يتبدل
لو قلبه الدافى ملاه الخوف !

أحارب فيك ذاكرتى ؛ فيصفعها بك قلمى و تهب رياحك الهوجاء فى قلبى فتتبعثر أوراقه و يضطرب النبض .. أريد أن أحيا و أن أنساك يا عمرى فتلاحقنى نظراتك و ملامحك بالقرب ! كل النسيان ينسى و يذكرنى بكلك حديث القلم .. و كل محاولة للهروب يحبطها بذكرك الورق كيف أذكر ما لا أعيش و ما أحياه تفقده ذاكرتى .. !

..

أما الحقيقة التى لا أجيد انكارها الآن أنى اشتقت ...!
اشتقت  لحين لم يكن
اشتقت لقلب يعطف و يئن
لنفس يملأها الضجر
لعين تسهر لا تنم
لروح يفنيها التعب
لأمان يبعثه القلق
لراحة منبعها الشقاء
لجمال يعلوه الكدر
لسعادة يعزفها الوجع
لصبر ينبته الظمأ
لقيد يغزله السفر
 و حنين يحييه السحر
للبعيد الأقرب
المستحيل الممكن  
وكل نبض قابض و باسط
يضفى الحياة على المميت و يقبض
  اشتقت لكل نبض تخالفه النظم و تتبعه .. !