السبت، 27 ديسمبر 2014

و قال مش عايز يخدعنى !!

و قال مش عايز يخدعنى
و خاف من نفسه و ودّعنى
علشان مش يقدر يجرحنى
و لا قادر ينسى كمان وجعه
من حب قديم عايش حالته
ساكن جواه و راسم صورته
طب ليه من الاول يشغلنى
و يحرّك قلبى و يرسم لى
حلمه اللى انا فيه و انه حاببنى
اكون وياه و سعادتى معاه
و اغير طبعى و اثبت له
هو اللى بقلبى و بهواه
و حياتى تكمل بلقاه
ماشغلنى خلاص حيّر فكرى
دخل قلبى و لمس نبضه
و همسه بيسعد لى الاوقات
غيّر فى عينىّ كتير حاجات
و الكون حواليا زهور فراشات
كل اللى انا فيه و يقول لى خلاص
اسف على وقتك ضيعته
و كلامى اللى انا قلته سحبته
خايف مانساش و انتى معايا
و تتكرر تانى مأسايا
كل دا يعنى و ما جرحنيش ؟!
و قال ايه مش عايز يخدعنى
و سهمه صايبنى  !!

ليست هناك تعليقات:

إرسال تعليق