لما تكون مهموم زعلان
خايف من الوحدة و قلقان
شايف كل الناس اركان
ركن بيضحك ع اللى يهمه
و ركن بيشكى م اللى يهمه
و ركن بيكتم جوة ف نفسه
و ركن ف وهمه و عايش حالته
و انت ف حالك ليه قلقان
اوعى تحس ان انت جبان
خرج طاقتك حفز نفسك
تلقى جمال الكون الوان
يلا اتغير اوى و اتطور
املى حياتك حب، ايمان  
ايوة هتقدر ليه متحير
كل الصعب يهون قدام
ثقتك ،جلدك، صبرك، عزمك
كل دا فيك ، وقته بيبان
خلى العمر اماله طويلة
و مد الصبر حباله جميلة
و جدد ثقتك تلقى عزيمة
روحك تهدى و قلبك يحلم
لما حياتك بيك تتغير
تنسى ف يوم انك زعلان