بتسألنى عرفتى منين ؟!

بتسألنى عرفتى منين 
و عايزة إنى أتجنن 
حالى إزاى تقوليلى عليه  
من غير حتى ما اتكلم 
و فى كل مكان بروح انا فيه 
الاقيكى عارفاه من الاول 
و ازاى بتشوفى اللى مخبيه 
مع إنى عمرى ما أبين 
بجد طلعتيلى منين 
فى وسط الضلمة انا شفتك 
و وقت ضياعى انا قابلتك 
و فى عز الضيق انا نديت لك 
كنت يائس و تملى بكتم 
لكن وقت ما لقيتك بدات إنى اتكلم 
حاجات حسيتها بتخوف 
و حاجات تانية بتطمن 
و حاجات كتيرة انا فاهمها 
و حاجات اكتر بتحير 
آنست وحدتى بيكى
و نفسى عرفتها فيكى 
و أملى اتجدد بعنيكى 
لكن سؤالى ماجاوبتوش
و وصف لحالك ما عرفتوش 
و زيك عمرى ما قابلتوش