بيوحشنى الكلام وياه
وطيبة قلبه وضحكى معاه
وبعشق روحه ورسمه؛ الله
وأقول لمين ؟؟ يقول لى فين ؟؟
ألاقى الضحكة دى تانى
قولوله حرام فى قلبى غرام
وشوقى إليه ليالى كتيره صحانى
فى بعده الفرحة ناقصانى
وعمرى الحلو ينسانى
قولوله عيونه واحشانى
... وبسمة قلبه وأمانى
أعيش ازاى وهو بعيد ؟؟
ده هو الروح ونبض وريدى
وهمس الحب لأيامى
بلمسه يدفى أحلامى
بخاف لو ينسى حلمى معاه
يضيّع عمرى وزمانى
لو أنسى الحب مش هنساه
ولو ضاع عمرى فدا يوم ألقاه
دا اللى عرفت الحب معاه
ولقيت راحتى فى حضن هواه
لو أعشق تانى أعشق رؤياه
دا أنا لو أضيع مرة ألاقى عينيه
فى عز ضياعى تندهلى
تقول ما تخافى واستنى
هنا سكنك ,,هنا راحتك
وتضم عيونى وتطبطب
يضيع الخوف ,,ما جوه عيونه عنوانى
أتوه و عيونه واحشانى
حتى نفسى تنسانى
وتسألنى عليه تانى
لما يسيبنى وأتغرب
وأدوق المر وأتعذب
ويضنى الليل وحلمى منى يتهرب
وياسلام لما بيقرب
من قلبى و حضنه أستغرب
عليه ضمة وحنيه
تطمن قلبى ولياليا
بنسى فى قربه جراح بُعده
هو اللى عرفت الحب معاه
ولقيت راحتى فى حضن هواه
بيوحشنى الكلام وياه :)♥♥
ليست هناك تعليقات:
إرسال تعليق